ပြောင်းမှ ကောင်းမယ် ဆိုရင် ပြောင်းမကြည့် ချင်ဘူးလား

      အမူအကျင့် ဟောင်းတစ်ခုကို ပြောင်းလဲရတာ ဒါမှမဟုတ် အမူအကျင့် သစ်တစ်ခုကိုပျိုးထောင်ရတာ သိပ်လွယ်ကူတဲ့  ကိစ္စမဟုတ်ပေမဲ့ ကောင်းမွန်တဲ့  အကျိုးရှိတဲ့  အပြောင်းအလဲဆိုရင် စတင်ကြည့် သင့် ပါတယ်။ အထူးသဖြင့် ကျန်းမာရေးနဲ့ ပတ်သက်တဲ့  အမူအကျင့် လေးတွေပေါ့ ။တချို့  သိပ်ပြီး ဝန်ထုပ်ဝန်ပိုးမဖြစ်တဲ့  ပြောင်းလဲမှုလေးတွေက အရေးပါတဲ့  အကျိုးကိုရရှိစေတတ် ပါတယ်။ နေထိုင်စားသောက်မှု ပုံစံ(life style) အပြောင်းအလဲ သေးသေးမွှားမွှားလေးတွေက ကျန်းမာရေးကိုအများကြီးထောက်ကူပေးတတ်ပါတယ်။အပြောင်းအလဲနဲနဲ လုပ်ကြည့် ရုံနဲ့  နေ့ စဉ် လန်းဆန်းတက်ကြွပြီး သွေးတိုး၊ ဆီးချိုလို ရောဂါကြီးတွေ ဖြစ်နိုင်ချေ လျှော့ ချပေးတာ၊ သက်သာစေနိုင်တာတွေ အကျိုးခံစားရနိုင် ပါတယ် ။ပြောင်းလဲ ကျင့် သုံး သင့် တာလေးတွေ မျှဝေပေးချင်ပါတယ်။

  နံနက်စောစောစာ (Breakfast)

              တစ်ဥာဉ့် တာအိပ်စက်ပြီး နိုးထလာချိန်မှာ ခန္ဓာကိုယ်က အစာနဲ့  ဝေးကွာနေတဲ့ နာရီပေါင်း များစွာဖြစ်နေပါပြီ။ ဆိုလိုတာက အစာလိုအပ်နေပါပြီ။ သွေးထဲမှာ သကြားဓာတ်ကလျော့ နေပါပြီ။ အဲဒီအချိန်မှာ နံနက်စေစောစာ မစားပဲ ဆက်နေလိုက်ရင် ဦးနှောက်ဟာ လိုအပ်တဲ့  သကြားဓာတ်မရရှိလို့  ပုံမှန် လုပ်ကိုင်နိုင်စွမ်းတွေလျော့ ကျလာမှာပါ။ စိတ်ရှုပ်ထွေးတာ၊အာရုံစူးစိုက်လို  မရတာတွေဖြစ်လာနိုင်ပါ တယ်။ တချို့ လေ့ လာချက်တွေအရ နံနက်စောစောစာကို ပြည့် တင်းအောင်စားတဲ့  ကလေးတွေက အတန်းထဲမှာ ပိုပြီးသင်ယူရလွယ်ကူသလို မှတ်ဥာဏ်ပိုကောင်းတယ်လို့ ဆိုပါတယ်။ န့နက်စောစောစာ ရဲ့  အရေးကြီးတဲ့ အကျိုးတစ်ခုကတော့  တစ်နေ့ တာလုံးဆာလောင်မှုကို ထိန်းထားနိုင်တာပါပဲ။ နံနက်ေ စာစော စာ မစား သူတွေကတော့  အဲဒါကို ဖြည့် ဆည်းအစားထိုးဖို့  နေ့ လည်စာ၊ ညစာတွေကို သာသာထိုးထိုးစားလေ့ ရှိကြပါတယ်။အဲဒါက ကယ်လိုရီပိုများတာ၊ အဆီပိုများတာတွေ ဖြစ်သွားတတ် ပါတယ်။ အဲသလိုပဲ စောစောစာ မစားသူတွေက သရေစာတွေကိုပိုပြီး ခဏခဏစားသုံးတတ် သူတွေ ဖြစ်လာ တတ် ပါတယ်။ အမေရိက နဲ့  ဗင်နီဇွဲလား နိုင်ငံတွေမှာ အဝလွန် အမျိုးသမီးတွေကို ကိုယ်အလေးချိန် လျှော့ ချစေတဲ့ အခါ သုတေသနပြုထားတာတွေအရတော့  နံနက်စာအဝစားတတ်သူတွေက ဝိတ် လျော့ တာ ပိုပြီးသိသာတယ်လို့ ဆိုပြန်ပါတယ်။ နေ့ စဉ် နံနက်စာစားသုံးတာက ကိုယ်အလေးချိန်လျှော့ ချရာမှာ သိသာသလို ဆီးချိုရောဂါ ဖြစ်ပေါ်စေမှုကိုလည်း ၅၀%လောက်လျော့ ကျစေပါသတဲ့ ။ကဲ-စားလိုက်ကြပါစို့ ။

ချောကလက်

         ချောကလက် ဆိုတာက နှစ်သက်လေ့ ရှိကြတဲ့  အစာတစ်မျိုးပါ။ ချောကလက်ရဲ့  အစာကြေနှုန်းနှေးကွေး တာက  သွေးတွင်းသကြားဓာတ်ကို ဝုန်းခနဲထိုးတက်တာမျိုးမဖြစ်စေဘူးပေါ့ ။အဲဒီတော့  သကြားလုံးတွေ ၊ပေါင်မုန့် အချော အနုတွေ၊ အာလူးတွေထက်စာရင် သွေးတွင်းသကြားဓာတ်နဲ့ ပတ်သက်လို့  ဒုက္ခပေးတာနည်းပါတယ်။ ဒါပေမဲ့  ချောကလက် ကိုလုပ်ထားတာက တခြားအရာတွေနဲ့ ပေါင်းစပ်ထားတာမို့  အထူးသဖြင့်နို့ နဲ့ လုပ်ထားတဲ့    ချောကလက်တွေမှာ  ပြည့် ဝဆီတွေများနေတတ်ပြီး သွေးကြောတွေမှာ အန္တရာယ်ရှိနိုင်ပါတယ်။ အဆီများတော့  ကယ်လိုရီလည်းများတာပဲပေါ့ ။ တစ်ဖက်ကကြည့် ပြန်တော့  ချောကလက် အမဲက ဓာတ်တိုးဆန့် ကျင်ပစ္စည်းကောင်း တစ်ခုဖြစ်ပြီး သွေးတိုးလျော့ ကျစေနိုင်ပြန်ပါသတဲ့ ။ အဲဒီတော့ လည်း နေ့ စဉ်နဲနဲပါးပါးစားသုံးခြင်းက အကျိုးရှိနိုင်ပါတယ်။

ပန်းသီး

အရည်ရွှမ်းတဲ့ ပန်းသီးတစ်ကိုက်မှာ အရေးပါတဲ့  အာဟာရဓာတ်တွေ ပါဝင်နေရုံမက ကိုယ်တွင်း ဇီဝဖြစ်စဉ်ကို တည်ငြမ်စေတာ၊ ဆာလောင်မှုကို ထိန်းချုပ်ပေးတာ၊နှလုံး အတွက်အားဖြည့် ပေးတာဆိုတဲ့  အကျိုးတွေရှိပါသတဲ့ ။ သူ့ မှာ သကြားဓာတ်ပါဝင်မှုများသည့် တိုင်အောင် ပျော်ဝင်လွယ်တဲ့  အမျှင်ဓာတ် ပါဝင်နေတော့    သွေးတွင်းသကြားဓာတ်ကို ပြန်ထိန်းပေးထားပါတယ်။ သူ့ မှာပါဝင်တဲ့  ဓာတ်တိုးဆန့် ကျင်ပစ္စည်း quercetin ကအစွမ်းထက်ပါတယ်။ အဲဒီဓာတ်ကို လက်ဖက်နဲ့ ကြက်သွန်နီတွေမှာလည်း ကြွယ်ဝတာတွေ့ ရပါတယ်။ ဒါကလည်း ပန်းနာ ရင်ကျပ်၊နှလုံးရောဂါနဲ့ ကင်ဆာရောဂါ အချို့ ကို ကာကွယ်ပေးပါတယ်။ လေ့ လာသုတေသနပြုချက်တွေ အများကြီးအရကိုပဲ ဆီးချို၊ နှလုံးတိက်ခိုက်ခံရမှု တွေအတွက် ကောင်းမွန်တဲ့  အာဟာရဖြစ်ရုံမျှမကပဲ ကိုယ်အလေးချိန်ပါ လျော့ ကျစေတာမို့  ပန်းသီးစားတဲ့ အလေ့  မွေးကြပါစို့ ။

အညောင်းထိုင်ခြင်း

တစ်နေ့တာလုံးထိုင်တဲ့ အချိန်များနေတဲ့ သူတွေအတွက် ဒုက္ခပေးတာက သွေး တွင်းသကြားဓာတ်ပါပဲ။ ကိုယ်လက်လှုပ်ရှားနေမှသာ သွေးထဲက သကြားဓာတ်ကို ကြွက်သားတွေက စုတ်ယူပြီး စွမ်းအင်အဖြစ် ပြောင်းလဲသုံးစွဲတာပါ။ ကြွက်သားတွေ တစ်နေ့ တာလုံး အသုံးမပြုတဲ့  အခါ သကြားဓာတ်တွေ စုပုံလာပါလေရော။ အဲဒီအခါ အဓိက ပြဿနာ (၂) ခု ဖြစ်လာပါတော့ တယ်။ မသုံးပဲထားတဲ့  သကြားဓာတ်တွေက အဆီအဖြစ်ပြောင်းသွားတာက အကြောင်းတစ်ခုပေါ့ ။ ပိုပြိး အရေးပါတဲ့  အကြောင်းကတော့  သွေးထဲမှာ သကြားဓာတ် တွေများလာရင် AGEs ဆိုတဲ့  ဒြပ်ပေါင်းတစ်ခု ပမာဏမြင့် တက်လာစေတာပါပဲ။သူက အာရုံကြောတွေနဲ့  သွေးဆဲလ်တွေကို ဒုက္ခပေးတာပေါ့ ။ ဆီးချိုဝေဒနာသည်တွေ နောက်ဆက်တွဲအဖြစ် ကျောက်ကပ်ပျက်စီးတာ၊ အာရုံကြော ထိခိုက်တာ၊ မျက်စိကွယ်တာတွေဟာ ဒိအချက်ကြောင့် ပါပဲ။ အဲဒီတော့  တကူးတက မဟုတ်တောင် ကိုယ်လက်လှုပ်ရှားတာ၊ လမ်းလျှောက်တာလေးတွေ လုပ်ဆောင်ပေးတာက ခုလို ကြောက်စရာ အနေအထားတွေကိုေ၇ှာင်လွှဲနိုင်မှာပါ။

ဒေါသ

ဒေါသ က ကျန်းမာရေးကို အကြီးအကျယ်ထိခိုက်စေတဲ့  အကြောင်းတစ်ခုပါပဲ။ဒေါသကြောင့်  အဝလွန်တာ၊ ဆီးချိုရောဂါတွေတောင် ဖြစ်စေပါသတဲ့ ။ဒါကလည်း စိတ်ဖိအားကြောင့် ထွက်လာတဲ့  အဒရီနလင် လို ဟိုမုန်းတွေကြောင့် ဖြစ်ရတာပါပဲ။အဲဒီ ဓာတ်တွေက သွေးတွင်းသကြားဓာတ်မြင့် တက်စေတာကိုး။ ဒေါသကြောင့်  နှလုံးရောဂါ ရစေတာကလည်း အရေးကြီးအချက်တစ်ခုပါပဲ။ဒေါသဖြစ်လွန်း သူတွေမှာ endothelin ခေါ်တဲ့  ဓာတ်တစ်မျိုး  မြင့် မားလာပြီး သွေးကြောတွေထဲမှာ သွေးခဲပိတ်ဆို့ မှုဖြစ်စေတာပါပဲ။ နောက်တစ်ခုကတော့  ဒေါသကြောင့်  နှလုံးခုန်နှုန်း ပုံမှန်ကနေပြောင်းလဲသွားတတ်လို့ ပါပဲ။ တစ်နေ့ လုံး ဒေါသနဲ့  နေထိုင်နေရသူတွေအတွက် အသက်တိုစေမှာအမှန်ပါ။  မကျေနပ်တာ တွေ ရေးချလိုက်ပါ။(စာမူ အဖြစ်တောင်ပို့ လို့ ရသေး)။ မိသားစု၊ မိတ်ဆွေတွေကို ရင်ဖွင့် ပါ။ တခြားစိတ်ပြေလျော့ စရာ နည်းလမ်းတွေနဲ့  အာရုံပြောင်းလိုက်ပါ။ ပျော်ရွှင်မှု သုတေသနပြုချက်တွေအရ ပျော်ရွှင်နေသူတွေမှာ  ကူးစက်ရောဂါတွေ၊ အခြားရောဂါတွေ ဖြစ်နိုင်ခြေ နည်းပါးတာတွေ ရတယ် ဆိုပါတယ်။အဲသလို ပျော်ရွှင်ပြီး အကောင်းမြင်နေသူတွေမှာ cytokines ခေါ်တဲ့  ပရိုတင်းဓာတ်ပမာဏ မြင့် မားနေတတ်ပြိး ကိုယ်ခံအားစနစ်ပိုကောင်းတာ၊ ရောဂါတွေကို တိုက်ခိုက်နိုင်တာ တွေ့ ရပါတယ်။ အကောင်းမြင် ပျော်ရွှင် နေသူတွေအနေနဲ့  အစားအသောက်အနေအထိုင်ပါ မှန်ကန် တက်ကြွပြီး သွေးတွင်း သကြားဓာတ်တွေပါ လျော့ နည်းတာတွေ့ ရပါတယ်။

အိပ်စက်ခြင်း

အိပ်ချိန်နည်းပါးတာ၊ အိပ်ရေးမဝတာက ကျန်းမာရေးကို ဒုက္ခပေးတပါပဲ။ဆာလောင်မှုကို ထိန်းချုပ်တဲ့  leptin ဟိုမုန်းလျော့ နည်းစေပြီး ပိုစားတတ်စေပါသတဲ့ ။နောက်ပြီး စိတ်ဖိစီးမှုဆိုင်ရာ ဟိုမုန်းတွေ ပိုထွက်လာစေတာမို့  သွေးတွင်းသကြားဓာတ်မြင့် မားစေပြန်ပါတယ်။နောက်ထပ် လေ့ လာမှုတွေအရလည်း တစ်နေ့  (၇) နာရီထက် လျော့ ပြီးအိပ်စက်သူတွေမှာ နှာစေးချောင်းဆိုး အအေးမိတာတွေ(၃)ဆ ပိုပြီးဖြစ်နိုင်ခြေရှိပါသတဲ့ ။ အိပ်ရေးဝတာ မဝတာကတော့  အိပ်ချိန်နဲ့ သိပ်ထပ်တူမကျလှပါဘူး။တစ်ဦးနဲ့ တစ်ဦး မတူကြပါဘူး။ဘာပဲဖြစ်ဖြစ် ပုံမှန် အိပ်ရေးဝမဲ့ အိပ်ချိန်တော့  လိုအပ်ပါတယ်။ အလေ့ အကျင့် ဖြစ်နေရပါမယ်။ သံပတ်ပေးပြီး  နိုးထနေရတာချည်းဆိုလည်း အိပ်ရေးမဝတဲ့  ပြဿနာခံစားရတတ်ပါတယ်။ တစ်နေ့  (၇) နာရီ၊(၈) နာရီတော့  အိပ်စက်ချိန်လိုအပ်ပါတယ်။
                       တင်ပြခဲ့ တဲ့  အထဲက ပြောင်းလဲဖို့ လိုအပ်တဲ့  အမူအကျင့် တွေ ၊ အသစ် စတင်သင့် တယ်လို့  ယူဆတဲ့  အမူအကျင့် တွေ တွေ့ မိပါရဲ့ လား။ ပြောင်းလို့ ကောင်းမယ်ဆိုရင် ပြောင်းကြည့် ကြရအောင်။                                                                                                                မှိုင်း(ဆေး-၂)
https://www.facebook.com/notes/ko-hmine/ မှကူးယူတင်ပြပါသည်။