စိတ်ရောဂါ

ပြင်ပလောကမှာ သွားလာလှုပ်ရှားနေတာ နဲနဲပါးပါးတော့ လွှမ်းမိုးမူရှိမှာပဲနော်။ သို့သော် အချိန်ပြည့် ပြင်ပလောက ကပဲ ကိုယ့်စိတ်ကို အပြည့်နေရာယူထားမယ်ဆိုရင်
ကိုယ့်စိတ်ကို ပြန်သိဖို့ မဖြစ်နိုင်တော့ဘူး။

အခုခေတ်မှာ အဲဒီပြဿနာ၊ အဲဒီဒုက္ခ၊ အဲဒီအန္တရာယ် အင်မတန်ကြီးလာတယ်။
အခုခေတ် ပစ္စည်းအဆန်းတွေ တိုးပွားလာတာကတော့ တကယ် အံ့သြစရာ ကောင်းပါတယ်။
တိုးတက်မူတွေက လိုက်လို့တောင် မမှီပါဘူး။ အဲဒီပစ္စည်းအဆန်းတွေက ကိုယ့်ဘဝထဲမှာ နေရာ
ဝင်ယူလိုက်တယ်နော်။

အာရုံအမျိုးမျိုးတွေ၊ impression အမျိုးမျိုးတွေ၊ မှားယွင်းနေတဲ့ အတွေးအခေါ် အယူအဆတွေ၊
values ထားတာတွေ၊ သဘောထားတွေ၊ မဟုတ်တာတွေ အဟုတ်လုပ်ပြတယ်။
မကောင်းတာကို အကောင်းလို့ထင်အောင် လုပ်ပြတယ်။ အဝတ်နဲ့ ကြွားမယ်။ အစားနဲ့ကြွားမယ်။
အသောက်အမျိုးမျိုးနဲ့ကြွားမယ်။ ဒါတွေပဲအားပေးနေတာနော်။

ကိုယ့်ဟာကိုယ် ဘာကို တန်ဖိုးထားသလဲဆိုတာ သိပ်မသိတော့ဘူး။
အများနောက်ကို လိုက်နေကြတာ။အများလုပ်သလို လုပ်နေကြတာ။

အဲဒီမှားယွင်းတဲ့ impressions တွေက စိတ်ထဲမှာ နေရာယူလိုက်တယ်။ ကိုယ့်စိတ်ကို ကိုယ်ပြန်ကြည့်ပြီး စိတ်ဝင်စားနေဖို့ကို အခွင့်အရေးမပေးဘူး။ စိတ်ကို ဖြားယောင်းသွေးဆောင်ပြီးတော့ အဲဒီမဟုတ် တာတွေဘက်ကိုပဲ လှည့်ပေးလိုက်တယ်။ သူတို့က ဆွဲဆောင်သွားတာ။ အကျင့်ပါသွားရင် စွဲတယ်နော်။

ဒါတွေက လူတွေကို ဗဟုသုတတော့ ဖြစ်အောင်လုပ်ပေးတယ်။
ပြင်ပလောကနဲ့ ပတ်သက်တဲ့ ဗဟုသုတကြွယ်ဝအောင်တော့ သူတို့ အထိုက်အလျောက်ပေးမယ်။

တစ်ချိန်တည်းမှာပဲ သူတို့များရင် များသလောက် ဘာဖြစ်မလဲဆိုတော့ ကိုယ့်ရဲ့ အတွင်းလောက၊ ကိုယ့်စိတ်ကို ပြန်သိမူကို အမှောင်ချလိုက်သလို ဖြစ်သွားတယ်။ မှောင်သွားတယ်။ နောက်ဆုံးကျတော့ ကိုယ့်စိတ်ကို ကိုယ်လုံးလုံးမသိတဲ့သူ ဖြစ်သွားတယ်။ အဲသလိုဖြစ်နေတဲ့သူတွေ America မှာ အင်မတန်များတယ်။ absent-minded (သတိလက်လွတ်) တော်တော်ဖြစ်တယ်။ ကိုယ့်စိတ်ကို ကိုယ်လုံးဝမသိဘူး။ ဒါဟာ တကယ့်စိတ်ရောဂါ ဖြစ်ပါတယ်။

သတိ၊သမာဓိနဲရင် စိတ်ရောဂါ ဖြစ်တယ်။ ကိုယ်ကျင့်တရား၊ သီလပျက်စီးရင် စိတ်ရောဂါဖြစ်တယ်။
မေတ္တာ၊ ကရုဏာ ခေါင်းပါးရင် စိတ်ရောဂါ ဖြစ်တယ်။

သတိ၊ သမာဓိ၊ မေတ္တာ၊ ကရုဏာ၊ မုဒိတာ၊ ဥပေက္ခာ ဒါတွေဟာ စိတ်ကို ကျန်းမာစေတယ်။

ကိုယ်ဖြစ်နေပုံတွေကို သေသေချာချာ သတိထားဖို့ အင်မတန် အရေးကြီးတယ်။ ကိုယ့်ရဲ့ inner world ကို
ကိုယ်သိဖို့ အထူးကြိုးစားဖို့ လိုတယ်။ အချိန်ရှိတုန်းမှာ ကြိုးစားထားမှ။

စိတ်ဓါတ်နဲ့အသိဉာဏ်ကို တိုးတက်စေတဲ့ သတိ၊သမာဓိ ပိုကောင်းလာအောင် လေ့ကျင့်မူကို
လူတော်တော်များများက အကြောင်းတစ်ခုခုကြောင့် မလုပ်ဖြစ်ကြဘူး။
ဒါကိုတော့ လုပ်ဖြစ်အောင် ကြိုးစားဖို့လိုတယ်။

- (ဆရာတော်ဦးဇောတိက)

"ချိုင်းချွေးနံ့နံခြင်း နဲ့ တစ်နေကုန် shoe ကြာရှည်စွာစီးထားရတာကြောင့် ခြေထောက်အနံ့နံခြင်း"

လူဆိုတာ "အပုပ်ကောင်ရုပ်ဆောင်" ဆိုတာကြားဖူးကြမှာပါ ။ တကယ်ကို လည်း ဒီအတိုင်း အဟုတ်ပါပဲနော် ။ စမ်းသပ်တဲ့ သဘောနဲ့ မနက်မိုးလင်းကတည်းက မျက်နှာမသစ် သွားမတိုက် ရေမချိုးဘဲ တစ်နေကုန် ဒီအတိုင်းနေကြည့်တဲ့အခါ ပိုပြီးသိသာထင်ရှားလာပါလိမ့်မယ် ။ ကိုယ်ခန္ဓာမှာရှိတဲ့ အပေါက် များကထွက်လာတဲ့ ချွေးတွေ ၊အညစ်အကြေးတွေ ၊ အနံ့အသက်တွေကြောင့် ကိုယ့်အနံ့တောင် မှကိုယ်မခံနိုင်ပါဘူး ဆိုတာမျိုးခံစားမိကြမှာပါ ။

လူတိုင်းမှာ နေ့စဉ်နဲ့အမျှလှုပ်ရှားသွားလာနေကြရတဲ့အတွက် ချွေးထုတ်ဂလင်းတွေ ကနေပြီး ချွေးထွက် တယ် ဆိုတာတော့ ပုံမှန်ဖြစ်စဉ်တစ်ခုပါပဲ ။ အဓိကအားဖြင့် ချိုင်းကြား ၊ ခေါက်ပြီးရှိနေ တဲ့ ကိုယ်ခန္ဓာ အစိတ် အပိုင်းတွေ ဥပမာ ။ ဒူးခေါင်းကြား ၊ ပေါင်ခြံ နဲ့ ခြေချောင်းကြားကနေရာတွေမှာ ချွေးတွေထွက်လာ ၊ အညစ်အကြေးတွေစုပုံ ၊ အဲဒီကတစ်ဆင့် ဘက်တီးရီးယား နဲ့ မှိုတွေဖြစ် လာပြီး အရေပြားမှာရှိတဲ့ အနံ့ဆိုးတွေမဖြစ်အောင်ထိန်းထားတဲ့ အက်စစ်ပမာဏကို ပြောင်းလဲသွားစေတဲ့အတွက် ကိုယ်ခန္ဓာ အနံ့အသက်တွေဆိုးရွားလာကာ မိမိကိုယ်တိုင် ရော ကိုယ်နဲ့ဆက်နွယ်တဲ့ ပတ်ဝန်းကျင်ကိုပါ အနှောက်အယှက် ပေးသလိုဖြစ်လာစေပါတယ် ။ လေဝင်လေထွက်မကောင်းတဲ့ အလုံပိတ် အခန်းထဲမှာရောက်နေရတဲ့အခါ ၊ လူအများကြီးတိုး ဝှေ့တန်းစီနေရတဲ့အခါ ၊ အဲဒီလို အနံ့အသက်ဆိုးတဲ့ လူတွေနဲ့တွေ့ရပြီးဆိုရင်တော့ ( ကျွန်မ တက္ကသိုလ်ပထမနှစ်တုန်းက practical partner က အဲဒီလိုလူမျိုးဖြစ်ခဲ့တာမို့ကိုယ်တွေ့နဲ့ယှဉ်ပြီးပြောတာ... ) သေချင်စော်နံလောက်အောင်စိတ်ပျက်ရတော့တာပါ ။

ဒါကြောင့် ဒီနေ့မှာတော့ အထူးသဖြင့် "ချိုင်းချွေးနံ့နံခြင်း နဲ့ တစ်နေကုန် shoe ကြာရှည်စွာ စီးထားရတာကြောင့် ခြေထောက်အနံ့နံခြင်း" အဲဒီအကြောင်းနဲ့ပတ်သက်ပြီး လွယ်ကူရိုးရှင်း တဲ့ဖြေရှင်း နည်းလေး ကို သူငယ်ချင်းတွေကိုပြောပြချင်မိတဲ့စိတ်လေးဖြစ်လာတာ မို့ ကျွန်မသိ သလောက်လေးဝေ မျှပေးလိုက်ပါတယ် ။

သဘာဝပစ္စည်း တစ်မျိုးဖြစ်တဲ့ "ကျောက်ချဉ် " ( Alum ) ကို လူတိုင်းသိကြမှာပါ ။ကြည်လင်နေတဲ့ သဘာဝပုံဆောင်ခဲလေးပေမယ့် သူ့ရဲ့ထူးခြားလှတဲ့အစွမ်းသတ္တိတွေကတော့ မနည်းပါဘူး ။

၁။ရေကိုသန့်ရှင်းစင်ကြယ်စေတယ် ။
၂။ ဆေးဝါးတစ်ချို့မှာ အသုံးပြုနိုင်တယ် ။ ( ကျွန်မတို့ မြန်မာပရဆေးတွေမှာအမြဲပါလေ့ရှိပါတယ် ။ )

၃။ အရေပြားနဲ့ပတ်သက်လို့ ဆိုးရွားတဲ့ချိုင်းချွေးနံ့ နဲ့ ခြေထောက်အနံ့အသက်ဆိုးရွားခြင်းတွေအတွက် ၂၄ နာရီပတ်လုံး ရာနှုန်းပြည့် အနံ့အသက်ကင်းစင်အောင်စွမ်းဆောင်ပေးနိုင်ပါတယ် ။ နောက်ပြီး မုတ်ဆိတ်ရိတ်တဲ့အခါ အရေပြားမှာ ဒဏ်ရာတဲ့အခါ သွေးထွက်တာရပ်အောင် ၊ အနာကျက်မြန်အောင် လည်းပြုလုပ်ပေးနိုင်သလို ခြေဖနောင့် ခြောက်ပြီးအက်ကွဲတာတွေလျော့ပါးသွားအောင် မဖြစ်အောင် ကာကွယ်ပေးနိုင်ပါတယ် ။ နောက်တစ်ခုအနေနဲ့ အင်းဆက်ပိုးမွှားတွေကိုက်ခြင်းကြောင့်ဖြစ်ပေါ်လာတဲ့ အရေပြားယားယံခြင်းကိုလည်း သက်သာပျောက်ကင်းစေနိုင်ပါတယ် ။

ဘယ်လိုအသုံးပြုရမလဲဆိုရင် ... လွယ်လွယ်လေးပါပဲနော် ။
ကျောက်ချဉ် အတုံးလိုက်ကို ကျောက်ပြင်မှာ ရေနဲ့သွေးပြီး ထွက်လာတဲ့ အရည် ကို ချိုင်းကြား ၊ ကိုယ်ခန္ဓာ နဲ့ ခြေချောင်းတွေကြားမှာလိမ်းနိုင်ပါတယ် ။ ဒီလိုမှမလုပ်ချင်ရင်တော့ ကျောက်ချဉ် အတုံးလိုက် ကို ပုလင်းတစ်ခုထဲမှာ ရေစိမ်ထားပြီး သို့မဟုတ် ကျောက်ချဉ် ကိုအမှုန့်ကြိတ် ပြီးရေဖျော်ပြီးရင် Spray ဘူးလေးထဲထည့်ပြီး လိုအပ်တဲ့နေရာတွေကိုဖျန်းပြီးသုံးရင်လည်းအဆင်ပြေပါတယ် ။ အလှကုန်တွေ ထဲမှာ လည်း ( ကျွန်မတွေ့ဖူးတာက ယိုးဒယားကလာတဲ့ Alum Deodorant Stick ပါ။ ) Alum Deodorant Roll on လေးတွေကိုရှာဝယ်ပြီးသုံးနိုင်ပါတယ် ။အဲဒါသုံးပြီးရင် နှစ်သက်ရာ ရေမွှေး တစ်မျိုးမျိုးကို အသုံးပြုနိုင် ပါတယ် ။

ဒါဆို ချွေးနံ့ဆိုးတွေ တစ်နေ့တစ်ခြား တစ်ဖြည်းဖြည်း သက်သာပျောက်ကင်းသွားတာ ၊ချိုင်းချွေးနံ့က သက်သက် ရေမွှေးနံ့ကသက်သက်ကြီး ဖြစ်မနေတော့တာကို သူငယ်ချင်းတို့ ပြောင်းလဲ ခံစားမိလာ ပါလိမ့် မယ် ။ ချွေးနံ့ပြင်းတဲ့သူတွေလိုက်နာသင့်တာလေးကတော့ အနံ့ပြင်းတဲ့ အစားအစာတွေ ကိုစားသောက်ခြင်း မှရှောင်ကြဉ်ပေးဖို့ပါပဲ ။ ဒီလိုဆိုရင် ကိုယ်တိုင်သာမက ကိုယ့်ရဲ့ပတ်ဝန်းကျင်ကိုပါ အဆင်တပြေရှိသွားစေမှာအသေအချာပါပဲနော်။

ကဲ ... သူငယ်ချင်းတို့ လိုအပ်ရင်စမ်းသုံးကြည့်ပါလား ။ အဆင်ပြေသွားအောင်လေ ။

***သူငယ်ချင်းများအားလုံးပဲ ကျန်းမာရေးဗဟုသုတအသိပညာများဖြင့် ပျော်ရွှင်ကျန်းမာသောဘဝကိုတည်ဆောက်နိုင်ကြပါစေရှင် ။***
မေတ္တာဖြင့်
လင်းလက်ကြယ်ရဲ့အတွေးသံစဉ်
(၇့၁၁့၂၀၁၃)

“ အကြွေးပြန်တောင်းနည်း ”

အကြွေး အပေးလွယ်သလောက် တောင်းရခက်တယ် ယူရင်ပြုံးပြီး ပြန်ပေးရတဲ့အခါမုန်းတတ်တယ် ပေးတဲ့သူရော ယူတဲ့သူရော ပူလောင်တယ် အကြွေးတကာ့အကြွေးထဲမှာ သံသရာကြွေးက ဆပ်ကိုဆပ်ရမယ် သူတပါးကိုလုပ်ခဲ့သမျှ ကိုယ်ပြန်ဆပ်ရမယ် သူတပါးကို စိတ်ဆင်းရဲမှုပေးရင်ကိုယ်လည်းပြန်စိတ်ဆင်းရဲရမယ် သူတပါးကို ငိုကြွေးအောင်လုပ်ရင် ကိုယ်လည်းပြန်ငိုကြွေးရမယ် အဲဒါလောကကြီးရဲ့ “ အကြွေးပြန်တောင်းနည်း ” ပဲ ။ သက်တန့်ချို