အလည်လာရောက်သူအားလုံး ရွှင်လန်းချမ်းမြေ့ပါစေ

Friday 30 January 2015

စိတ်ကျရောဂါအဖြေရှာခြင်း


စိတ်ကျရောဂါအဖြေရှာခြင်း
စိတ်မှာပဲဖြစ်ဖြစ် ရုပ်မှာပဲဖြစ်ဖြစ် မကောင်းတာ ကျန်းမာရေးပြဿနာပါ။ ဆရာဝန် တွေ ဟာ ကိုယ်ကျန်းမာရေးသာမက စိတ်ကျန်းမာရေး အတွက်ပါ တာဝန် ယူကြရ တယ်။ လူတိုင်းရဲ့ စိတ်ဟာ တသတ်မှတ်ထဲ တည်ငြိမ်နေတာ မဟုတ်ဘူး။ စိတ်မငြိမ် သက်တာ ကယောက်ကယက် ဖြစ်တာ သာမန်လူတို့ရဲ့ ထုံးစံပါ။ ဝမ်းနည်း ဝမ်းသာ စိုးရိမ်ကြောင့်ကြမှုဆိုတာ လောကသုံးပါး မလွဲမသွေ ကြုံတွေ့ နေရမှာပဲ မဟုတ်လား။ လူဖြစ်လို့ ဝမ်းနည်းတာ သဘာဝပါ။ ဒါပေမယ့် ခဏပါပဲ။ စိတ်ကျရောဂါကျတော့ မတူတော့ဘူး။ ကျနေတဲ့ စိတ်က တက်မလာ တော့ တာ ဖြစ်ပါတယ်။ မျှော်လင့်ချက်ကင်းမဲ့တာ၊ ဘဝအဓိပ္ပါယ် ကင်းမဲ့သလို ခံစားရတာတွေ ဟာ စိတ်ကျရောဂါရဲ့ လက္ခဏာဖြစ်ပါတယ်။
စိတ်ကျရောဂါလို့ အမည်တပ်ဖို့ နည်းနည်းခက်တယ်။ဖြစ်တာတွေ တယောက်နဲ့ တယောက် တူချင်မှ တူမယ်။ စိတ်ကျရောဂါတွေမှာ လက္ခဏာတွေ ကိုယ်စီရှိ တယ်။ အဆင့် သတ်မှတ်ချက်၊ ရောဂါအပျော့အပြင်းလည်း မတူကြ ဘူး။ ဝေဒနာခံစား ရသူတွေဟာ အစွန်းနှစ်ပါး မလွတ်ကင်း ကြတာ များတယ်။ စားချင်စိတ်ကဲသူရှိသလို ဘာစားစား ခံတွင်းမတွေ့ပဲ အစား အသောက် ပျက်တာလည်း ရှိတယ်။ တချို့က အအိပ်ပျက် အအိပ်ခက်ပေမယ့် တချို့က အိပ်ပြီးရင်း အိပ်ချင်တတ်တယ်။ မျက်တွင်း ဟောက်ပက် အိပ်ရေးပျက်တာ စိတ်ရောဂါနဲ့သက်ဆိုင်တတ်တယ်။ ဒါကိုပဲ ပတ်ဝန်းကျင်က အတင်းပြောတော့ အပျင်းကြီးတယ်ဖြစ်တယ်။ အမှန်က ကိုယ့်စိတ်က်ိုယ် မထိန်းနိုင်လို့ ခန္ဓာကိုယ်နရီစီးချက် မမှန်တော့ပဲ စိတ်ပျက်၊ အအိပ်ပျက် အစားပျက်ပြီး လူက ပိန်ချုံးလာတတ်တယ်။ တချို့ကလည်း အစားအသောက် တွေပိုစားလာတယ်။ စိတ်ခံစားမှုကို ဒီနည်းနဲ့ ဖြေဖျောက်ဖို့ ကြိုးစားရင်း ဝလာကြတယ်။ ဝလို့လှတယ်ဆိုချင်သူတွေ သတိထားပါလေ။
ဆယ်ကျော်သက်တွေမှာ ဖြစ်ရင် စကားအပြောအဆိုနည်းပြီး အပြုအမူကစ လေးလံ ထိုင်းမှိုင်း လာတာ သိသာတယ်။ အပြုသဘောမှန်သမျှ ကိုယ်နဲ့မဆိုင်သလို အပျက် သဘောတွေသာ တွေးမြင်လုပ်ကိုင်လာတယ်။ ဘာ့ကြောင့် မှန်းအဖြေရှာမရပဲ အကြောင်းမဲ့ ဝမ်းနည်းနေတတ်တယ်။ တချို့က အကြောင်းခံ မယ်မယ်ရရ မရှိဘဲ အော်ဟစ်ငိုကြွေးတာမျိုး လုပ်လာတယ်။ စိတိတိုလွယ် ဒေါသကြီးလွယ်တာလည်း ရှိပါတယ်။တဖက်သားကို အလိုလိုမုန်းတီးနေပြီး လောကကြီးနဲ့ သဟဇာတ မဖြစ် သလို ခံစားရတယ်။ ဆုံးဖြတ်ချက် မှန်သမျှ မှားယွင်းလာတယ်။ နေ့စဉ် မျှော်လင့် ချက် ကင်းမဲ့ တတွေတွေတမှိုင်မှိုင်နဲ့ ဝမ်းနည်းပူဆွေးတတ်တာ စိတ်ကျရောဂါရဲ့ လက္ခဏာပါ။ ဆရာဝန်နဲ့ ပြသပြီး စနစ်တကျကုသပါလေ။ ဒီလိုလူတွေက နှလုံးနဲ့ အစာအိမ် ရောဂါ သူများထက်ပိုဖြစ်တယ်။
အားလုံးထဲမှာ ကိုယ့်ကိုယ်ကို အသုံးမကျဘူးလို့ ခံစားရတာ အဆိုးဆုံးနဲ့ ခံရ အခက်ဆုံး ပါပဲ။ နောက်ဆုံးအဆင့် ခေါ်ရမယ်။ လူ့ဘဝကြီးက အဓိပ္ပါယ်ကင်း မဲ့သလို ခံစားလာရပြီးနောက် လုပ်စရာ များများစားစား မကျန်တော့ဘူး။ အဆုံးသတ် မှာတော့ ကိုယ့်ကိုယ်ကို သတ်သေတာမျိုး (suicide) တွေ ဖြစ်လာ တယ်။ အဖန်ငါးရာ ငါးကမ္ဘာဆိုတာ တွေလည်း ခေါင်းထဲမဝင်တော့ဘူး။ တရား သဘော လာမပြောပါနဲ့။ဘာ့ကြောင့်လဲဆိုတော့ ဘဝအတွက် ထွက်ပေါက်က ဒီတခု တည်းရှိတယ်လို့ ခံစားနေရလို့ပဲ ဖြစ်တယ်။
၂၀၁၃ မှာ စစ်တမ်းတခုလုပ်တော့ ချမ်းသာတဲ့နိုင်ငံအများစုဟာ စိတ်ကျရောဂါ ခံစားရနိုင်ချေ ပိုများတာ တွေ့ရတယ်။ ဘာ့ကြောင့်လဲဆိုတော့ အဖြေက ရှင်းပါတယ်။ အပြိုင်အဆိုင်လုပ်ရသူတွေရဲ့ စိတ်ဖိစီးမှုဟာ လူသာမန်တွေထက် ပိုပါတယ်။ အလုပ်တာဝန်များသူ၊လူအများနဲ့ ဆက်ဆံရသူတွေဟာ စိတ်ကျရောဂါ ခံစားလွယ် လာကြတယ်။ ဒီနေ့ကမ္ဘာမှာ စိုးရိမ်စိတ် အများဆုံး၊ စိတ်ဖိစီးမှု အများဆုံး နိုင်ငံတွေဟာ ဖွံ့ဖြိုးပြီး နိုင်ငံတွေဖြစ်ပါတယ်။ နှစ်စဉ် အမေရိကန်လူမျိုး (၂၅)သန်း လောက်ဟာ စိတ်ကျရောဂါခံစားနေရတယ်။ ၁၃မိနစ်တိုင်း လူတယောက် ဟာ သတ်သေမှုကြောင့် အသက်ဆုံးရှုံးနေတယ်။ အမေရိကားမှာ ကိုယ့်ကိုယ်ကို သတ်သေမှုကြောင့် သေဆုံးမှုက နံပတ်(၁၀)မှာ ရပ်တည်နေတယ်။ ထူးဆန်းတာက နှလုံး၊ ကင်ဆာ၊HIVလို ရောဂါတွေထက် စိတ်ကျရောဂါခံစားရသူ အရေအတွက်က ပိုများနေပါတယ်။ အနောက်နိုင်ငံ တွေမှာ အောင်မြင်မှု၊ကျရှုံးမှုကို မခံစားနိုင်သူတွေအတွက် ထွက်ပေါက်က အရက်၊ဆေးဝါး၊တားမြစ်ဆေးတွေ အလွယ်တကူရှိတယ်။ စိတ်ကိုပြောင်းလဲ စေတဲ့ မူးယစ်ဆေးဝါးတွေက စိတ်ကျရောဂါ ကို ကဲစေတယ်။ အရက်၊ဟော်မုန်း၊ ရောဂါဘယတွေကလည်း စိတ်ကို သက်ရောက် စေတယ်။ အကြောင်းအရာစုံလို့ တခုတည်းကို လက်ညှိုးထိုးလို့မရဘူး။ စိတ်ကျရောဂါ ဖြစ်စေတဲ့ အကြောင်းရင်းခံတွေက များတယ်။
ဝမ်းနည်းမှုကြေကွဲမှု၊ အလုပ်အကိုင်၊ ဝင်ငွေဆုံးရှုံးမှု၊ အိမ်ထောင်ရေး၊ စီးပွားရေး၊ လူမှုရေးတွေနဲ့ သက်ဆိုင်တယ်။ ငယ်စဉ်က စိတ်အနာ တရဖြစ်ဖူးသူ (အဖေ အမေ ကွဲတာ၊ အဖိအနှိပ်ခံရတာ၊ ဆင်းရဲချို့တဲ့သူ) တွေဟာ ပိုခံစား ကြရတယ်။ မိဘ အုပ်ထိန်းမှု ညံ့တာနဲ့ တိုက်ရိုက်တော့ မဆိုင်ဘူး။ ပိုဆိုင်တာက ကျင်လည်ရတဲ့ ပတ်ဝန်းကျင်ရဲ့ ရိုက်ခတ်မှုတွေကြောငိ့ ဖြစ်တယ်။ လုပ်ငန်းခွင် အပြိုင်အဆိုင်နဲ့ အလုပ် တာဝန်တွေက စိတ်ကို ဖိစီးစေတယ်။ ဒီအချက်တွေက အိမ်ထောင်ရေး၊ စီးပွားရေး၊ လူမှုရေး ပြဿနာတွေကိုပါ ဆင့်ကဲဖြစ်စေ တယ်။ နယ်တွေ၊ တောရွာတွေမှာ ကျတော့ ရောဂါအမည်တပ်ဖို့ ပိုကောင်းတယ်။ စုန်းကိုက်သလို၊ နတ်ကိုင်သလို အပြုစားခံရသလို အမျိုးမျိုးပြောကြတာတွေဟာ စိတ်ကျရောဂါ ကြောင့် ဖြစ်တယ်။ တကယ်တမ်း စိတ်ကျရောဂါ အဖြေရှာကြည့် တော့ ဘုရားဟော သလိုပဲ။ "ပုထုဇ္ဇနောဥမ္မတ္တကော"လူသာမန်တွေရဲ့စိတ်ဟာတည်ငြိမ်မှုမရှိ၊ ဖောက်လွဲ  ဖောက်ပြန် ဖြစ်တတ်လို့ဆိုတာ
 တွေ့ရပါတယ်။ ကိလေသာမကင်းသမျှ အတက်၊ အကျအပြောငိးအလဲကတော့ ရှိနေမှာပဲ ဖြစ်တယ်။
စိတ်ကျရောဂါရဲ့အခြေခံက စိတ်ထိခိုက်တာနဲ့ စိတ်ဒဏ်ရာရတာပါ။ ဒါကို မကုဘဲ ထားရင် ပိုဆိုးတယ်။ စိတ်ကြောင့်ဖြစ်တဲ့ရောဂါကို စိတ်နဲ့ပဲကုရတယ်။ ဒါပေမယ့် စနစ်တကျကုဖို့နဲ့ ခံစားရတဲ့ဝေဒနာ အတိမ်အနက်ကို နားလည်ဖို့လိုတယ်။ ကျနေတာတခုကို ဆွဲတင်ဖို့ဆေးနဲ့ ဆရာလိုပါတယ်။ ဒါပေမယ့် ဆရာဝန် (သို့) အပေါင်း အဖော်တွေက အားပေးရုံ၊ဖေးမရုံသာ တတ်နိုင်တယ်။ တကယ်ကုရမှာက ကိုယ့်စိတ်ကို ထိန်းဖို့၊ သိမ်းဖို့ ပရမ်းပတာ မဖြစ်စေဖို့ပါ။ စိတ်ကျသူတွေအတွက် လောကကြီးကို မှန်တချပ်လို့ သဘောထားပြီး တခြားဖက်က မြင်နိုင်အောင် လှုံဆော်ပေးရတယ်။ အကြည့်တွေလွဲနေ၊လောကကြီးကို သုံးသပ်တာတွေ ပြောင်းလဲနိုင်အောင် ကူညီပေးရတယ်။ စိတ်ပညာရှင်တွေ၊ဆရာဝန်တွေက ဒီနေရာမှာတော့ အသုံးကျပါတယ်။ စိတ်ကျဝေဒနာသည်တွေအတွက် ပတ်ဝန်းကျင် အကူအညီ၊ ဖေးမမှု၊ စာနာမှု၊ နားလည်မှုက အရေးကြီးတယ်။ တခါတရံ မျှော်လင့်ချက် ကင်းမဲ့သူတွေကို အားပေးရတာ ကုသိုလ်ဖြစ်တယ်။
စိတ်ကျရောဂါကို ကုသလို့ရပါတယ်။ မကုပဲထားရင် ပိုဆိုးလာမယ်။ လေ့လာ မှုတွေအရ ဆေးပေးပြီး စနစ်တကျကုသသူရဲ့(၈၀)ရာခိုင်နှုန်းကျော်ဟာတိုးတက် ကောင်းမွန်လာတယ်။  ရောဂါဆိုးလေ ဆေးတိုးလေ
ဆိုတာ စိတ်ကျရောဂါကို ဆိုလို တာပါ။ ဆရာဝန်က ဆေးပေးရသလို ဖြစ်သူဖက်က တွေးပေးရတာလည်း ရှိပါတယ်။ ထပ်လိုတာက စိတ်ဓာတ်ခွန်အားနဲ့ အားပေးစကားပါ။ ပတ်ဝန်းကျင် အသိုင်းအဝိုင်း က ထပ်ဆောင်းပေးရမှာက နားလည်မှုနဲ့ စာနာမှုပါ။ ကိုယ်တ်ိုင် လိုအပ် တာကတော့ မိမိမှာ စိတ်ကျရောဂါရှိနေပြီဆိုတာသိနေဖို့နဲ့ ပြောင်းလဲချင် စိတ်ရှိဖို့ပဲ ဖြစ်ပါတယ်။ စိတ်ဆောင်ရင် အရာအားလုံးကို အောင်နိုင်ပါတ တင်နုတ်ုတ်ယ်။ စိတ်ကျရောဂါ အဖြေရှာပါတော့။
Credit to ဒေါက်တာ အေးမင်းထူး၊ ရတနာပုံသတင်းစာ (၅.၁.၂၀၁၅) မှ ပြန်လည်ကူးယူ ထုတ်နုတ် တင်ပြထားပါသည်။

Monday 26 January 2015

ဆီးချိုရောဂါနှင့် လမ်းလျှောက်ခြင်း သို့မဟုတ် Active Lifestyle


ဆီးချိုရောဂါနှင့် လမ်းလျှောက်ခြင်း သို့မဟုတ် Active Lifestyle
===========================================
- နေခြည် (ဆေး-၁)။
ဆီးချို သွးချိုရောဂါ (Diabetes) ဟူသည် ယနေ့ခေတ်၌ နေရာ အနှံ့အပြား တွင် ဖြစ်ပွားနှုန်းမြင့်လျက်ရှိနေသောကြောင့် Diabetes မည်သို့စဖြစ်သည် အားသေချာ မသိကြလျှင်တောင် Diabetes ဆီးချို၊ သွေးချိုဆိုသည့်စကားလုံးသည် ယခုအ ခါ လူထုနှင့်မစိမ်းတော့ပါ။ ကုထုံးများသည်လည်း တစ် နှစ်နှင့်တစ်နှစ် ပိုမိုကောင်းမွန်လာသကဲ့သို့ Diabetes ရောဂါရှင်များသည်လည်း မိမိတို့ ပုံမှန်သောက်သုံးနေရသော ဆေးဝါးများနှင့်မူ အကျွမ်းတဝင်ဖြစ်နေတတ်ကြ ပါသည်။
သို့သော်လည်း ဆီးချိုသည် သောက်ဆေး၊ ထိုးဆေးနှင့်သာ တိုက်ရိုက်သက်ဆိုင်သည့်ရောဂါတစ် မျိုးမဟုတ်ပါချေ။ Lifestyle Modifications ခေါ် သည့် စားသောက်နေထိုင်မှုကိုပါ ပြုပြင်ပြောင်းလဲရ သည့် ရောဂါဖြစ်လေသောကြောင့် တက်ကြွသော Lifestyle အနေနှင့် ကိုယ်ကာယ လှုပ်ရှားမှု၏ အရေးပါသော ကဏ္ဍကို စာရေးသူက ဤဆောင်းပါးဖြင့် အတန်ငယ် မီးမောင်းထိုးပြချင်ပါသည်။
ရှေးဦးစွာ Diabetes အမျိုးအစား မည်သို့ကွဲပြားပါ သနည်း။
Diabetes ဟုဆိုရာ၌ subtypes အုပ်စုကွဲ များရှိသည့်အနက်မှ အဖြစ်အများဆုံး သည် Type 1 Diabetes နှင့် Type 2 Diabetes ဟူသည့် အမျိုးအ စားနှစ်မျိုးဖြစ်ပါသည်။ ထိုအမျိုးအစားနှစ်မျိုးအနက်မှ Type 2 Diabetes သည် ယနေ့ခေတ် လူနေမှုစရိုက် နှင့် အများဆုံးဆက်နွှယ်နေသောအမျိုးအစားလည်း ဖြစ်ပါသည်။ ထို Type 2 Diabetes တွင် သွေးအချိုဓာတ် ကိုထိန်းပေးသည့် Insulin (အင်ဆူလင်) ဟော်မုန်းရှိ နေသော်လည်း ပုံမှန်အလုပ်မလုပ်နိုင်တော့ခြင်း (Insulin Resistance) ဖြစ်သောကြောင့် အင်ဆူလင်ချို့တဲ့ခြင်း (Insulin Deficiency) ကြောင့်ဖြစ်ရသော Type 1 အမျိုးအစားနှင့် ဖြစ်ပွားပုံ အကြောင်းရင်းခြင်း အတန် ငယ်ကွာခြားမှုရှိပါသည်။
Diabetes ဟု မည်သို့သတ်မှတ်နိုင်ပါသနည်း။
ဆီးချို၊ သွေးချို၌အဖြစ်များသောလက္ခဏာ များမှာ ဆီးပုံမှန်ထက်အလွန်အကျွံသွားခြင်း၊ ပုံမှန်ထက် ရေပိုငတ်ခြင်း၊ ကိုယ်အလေးချိန်ကျဆင်းလာခြင်းတို့ ဖြစ်ပါသည်။ ထိုအခါ၌ စာရေးသူတို့ အလေးထားစစ် ကြည့်သင့်သည်ကတော့ သွေးအချိုဓာတ်ပင်ဖြစ်ပါသည်။
အစာဖြတ်မထားဘဲ မိမိအဆင်ပြေသောအချိန်စစ်ကြည့် နိုင်သည့် Random Blood Suger level သည် ၂ဝဝ နှင့်အထက်ကျော်နေခြင်း၊ သို့မဟုတ် မနက်စောစော အစားမစားမီတွင်သာစစ်ကြည့်နိုင်သည့် Fasting Blood Sugar Level သည် ၁၂၆နှင့်အထက်ရှိနေခြင်း အား ဆီးချိုရောဂါဟု အကြမ်းဖျင်း သတ်မှတ်ကြပါသည်။ ယခုအခါတွင် သွေးဖောက်စစ်ရသည့် HbA1c သည် 6.5 ကျာ်နေလျှင်လည်း Diabetes ဟု WHO မှသတ် မှတ်ထားသည်ကို တွေ့ရပါသည်။
Type 2 Diabetes နှင့် ကုထုံးများအနက် ကိုယ်ကာယ လှုပ်ရှားမှုသည် မည်သို့ဆက်စပ်ပါသနည်း။
Diabetes ၏ကုသရေးပိုင်းတွင် ယခုနောက် ပိုင်း၌အလေးပေး၊ ဦးစားပေးလာကြသည်မှာ နေထိုင် စားသောက်မှု Lifestyle ဖြစ်ပါသည်။
Diabetes ရော ဂါရှင်များအတွက် သင့်တော်မည့်စားသောက်ပုံများကို ညွှန်းလာကြပါသည်။ Diabetes ရောဂါရှင်များအတွက် သင့်တော်မည် ဆိုသောစားသောက်ကုန်များကိုလည်း ဈေးကွက်တွင် တွင်ကျယ်စွာ တွေ့လာရပါသည်။ သို့ သော်လည်း ဤမျှနှင့်ပင် Lifestyle Management သည် ရပ်မသွားသင့်ပါ။ အစားအသောက်ဆင်ခြင်ရုံမျှ၊ ဆေးပုံမှန်သောက်ရုံမျှနှင့် ကျေနပ်လောက်ဖွယ်ရာ ဆေး ကုသမှုရလဒ်များကိုရနိုင်မည်မဟုတ်ပါဟု ခေတ်သစ် စာတမ်းများမှ ညွှန်ပြလာကြပြီဖြစ်ပါသည်။
Diabetes ဖြစ်နေသည့်သူများအတွက်လည်း ရောဂါပိုမဆိုးလာစေရန်အတွက် သောက်ဆေး၊ ထိုး ဆေးကိုသာ အားကိုးနေခြင်းထက် မိမိ၏ကိုယ်အလေး ချိန်ကို ဂရုတစိုက်ထိန်းပေးခြင်းသည် ထင်ထားသည် ထက် အရေးပါနေကြောင်းကို သတိပြုမိစေချင်ပါသည်။ တစ်နည်းဆိုလျှင် ဆေးပုံမှန်သောက်ပြီးအစားအသောက် ဆင်ခြင်ရုံမျှမက ကိုယ်လက်လှုပ်ရှားမှုကိုအားပေးသင့် ခြင်းပင်ဖြစ်ပါသည်။
ပုံမှန်အားဖြင့် တစ်ပတ်လျှင် မိနစ် ၁၅ဝ ခန့် ကိုယ်လက်လှုပ်ရှားမှုရှိခြင်းသည် ဆီးချိုရောဂါ မဖြစ် သေး သူများအတွက် ရောဂါဖြစ်နိုင်ခြေအား ရာခိုင်နှုန်း ၃ဝခန့် လျော့ကျစေသကဲ့သို့ Diabetes ရောဂါဝေဒနာ သည်များအတွက်လည်း များစွာအကျိုးရှိပါသည်။ ရောဂါ ဇာစ်မြစ်ဖြစ်သော Insulin Resistance ခေါ်သည့် Insulin အား ခန္ဓာကိုယ်မှပုံမှန်မတုံ့ပြန်ဘဲ အလုပ်ကောင်း စွာမလုပ်နိုင်ခြင်းကို သက်သာ လာစေသောကြောင့် သောက် ဆေးပမာဏနှင့် အင်ဆူလင်ဆေးများ ထိုးပေးရခြင်း ကို ရေရှည် တွင် လျော့ကျလာစေပါသည်။
ဆီးချို၊ သွေးချိုသမားများအတွက် သင့်တော်မည့်ကိုယ် လက်လှုပ်ရှားမှုများ
*****************************************************************************
လေ့ကျင့်ခန်းဟုဆိုရာတွင် ခပ်ပျော့ပျော့လေ့ ကျင့်ခန်းများ (Light intensity Activities) မှသည် အလယ်အလတ်ပြင်းထန်သော(Moderate Intensity) လေ့ကျင့်ခန်းများနှင့် (High Intensity)အင်မတန်ပြင်း ထန်သောလေ့ကျင့်ခန်းများ ဟူ၍ ကွဲပြားသည်ကိုရှေး ဦးစွာ ခွဲခြားသိသင့်ပါသည်။ မည်သည့်ဆီးချိုဝေဒနာ ရှင်များအတွက်မဆို လမ်းကိုမြန်မြန်သွက်သွက်လျှောက် ခြင်းသည် Light Intensity လေ့ကျင့်ခန်းတွင်ပါဝင်ပြီး ဘေးကင်းပါသည်။ တစ်ပတ်လျှင် မိနစ် ၁၅ဝပြည့်စေ နိုင်ရန်လေ့ကျင့်သင့်ပြီး တစ်နေ့ နာရီဝက်နှုန်းနှင့် တစ် ပတ်လျှင် ငါးရက်လမ်းလျှောက်ခြင်းသည် အင်မတန် သင့်လျော်ပါသည်။
သို့သော်လည်း သည်ထက်လေ့ကျင့်ခန်းပို လုပ်နိုင်မည့်သူများအတွက်ဖြစ်သည့် အေရိုးဗစ် (Aerobic) လေ့ကျင့်ခန်းများနှင့် ခန္ဓာကိုယ်ကြွက်သားများကို ကျစ်လျစ်စေသည့် Resistane Training လေ့ကျင့်ခန်း များသည် ဆီးချိုဝေဒနာရှင်များအတွက် အကောင်းဆုံး ဖြစ်နိုင်ကြောင်းကို ယခုအခါထပ်မံတွေ့ရှိလာကြပါသည်။
ခြွင်းချက်ရှိသည်မှာ ထိုလေ့ကျင့်ခန်းများသည် တစ်ပတ် လျှင် ၇၅မိနစ်ခန့်ပြုလုပ်လျှင်ပင် အကျိုးရှိနိုင်မည်ဖြစ် သော်လည်း Moderate to High intensity များဖြစ် နေခြင်း၊ လေ့ကျင့်ပေးမည့်သူလိုအပ်တတ်ခြင်းကြောင့် လက်တွေ့တွင်မူခက်ခဲပြီး လူတိုင်းနှင့်မသင့်လျော်နိုင်ပါ။ ထို့အပြင် ဆီးချိုဝေဒနာရှင်များအနက် ၁ဝရာခိုင်နှုန်း ခန့်သည် မိမိဆီးချိုရှိနေမှန်း စတင်သိသောအချိန်တွင် ပင် နှလုံးသွေးကြောကျဉ်းရောဂါပါတွဲဖက်ဖြစ်ပွားနှင့် ပြီးဖြစ်သောကြောင့် ထိုသို့ပြင်းထန်သောလေ့ကျင့်ခန်း များအတွက် နှလုံးကြံ့ခိုင်မှု ရှိ၊မရှိကို ထည့်သွင်းစဉ်းစား ရတတ်ပါသည်။
Light Intensity သို့မဟုတ် မည်သည့် ကိုယ်လက်လှုပ် ရှားမှု
ပြုလုပ်ရာတွင်မဆို သတိပြုသင့်သည့်အချက်များ
*********************************************************************
ဆီးချိုရောဂါဝေဒနာရှင်များသည် အာရုံ ကြောများမကောင်းခြင်းကြောင့် ခြေထောက်နှင့် ခြေ ချောင်းများတွင်ထုံကျဉ်နေတတ်ပြီး အာရုံကိုမသိနိုင် ဖြစ်တတ်ပါသည်။ ထို့အတွက် လမ်းပုံမှန်လျှောက်မည် ဆိုပါက ခြေထောက်အနာဖြစ်မှန်း မသိဖြစ်ခြင်းကိုရှောင် ကြဉ်နိုင်စေရန် လမ်းမလျှောက်ခင်နှင့် လမ်းလျှောက် အပြီးတွင် မိမိခြေထောက်များအား အသားမာများ၊ အ ရေကြည်ဖုများနှင့် အခြားသောပွန်းတိုက်မှုလက္ခဏာ များရှိမရှိကို သေချာစွာစစ်ဆေးသင့်ပါသည်။ လမ်းလျှောက် ရာတွင်လည်း သက်သောင့်သက်သာရှိမည့် ဖိနပ်ကို သာစီးပြီး လမ်းလျှောက်သင့်ပါသည်။
လမ်းထွက်မလျှောက်ခင်တွင် မိမိသောက် နေသောဆေးပေါ်မူတည်ပြီး လေ့ကျင့်ခန်းအားချင့်ချိန် ရမည်ဖြစ်ပါသည်။ Metformin (မက်ဖော်မင်) သောက် နေရသော သူများအတွက် သွေးချိုရုတ်တရက် ထိုးကျ သွားခြင်းဖြစ်နိုင်ခြေ နည်းသော်လည်း အင်ဆူလင်ထိုး နေရသောသူများနှင့် ဆယ်လ်ဖိုနိုင်း ယူရီးယားအုပ်စု ဝင်ဆေးများသောက်နေရသောသူများသည် ပိုမိုဂရု စိုက်သင့်ပါသည်။ လုပ်နေမကျသည့် ကိုယ်လက်လှုပ် ရှားမှုကိုပြုလုပ်သည့် အခါတွင် ရုတ်တရက် သွေးချိုကျ ဆင်းသွားတတ်ခြင်းကြောင့် မိမိဆရာဝန်အား မိမိသုံး စွဲရသည့်သောက်ဆေးများကိုကွဲပြားအောင် မေးထား သင့်ပါသည်။
လေ့ကျင့်ခန်းများသည် အကျိုးရှိသည်မှန် သော်လည်း အလွန်အမင်း ဆီးချိုတက်နေသောသူများ သည် ရှေးဦးစွာဆီးချိုကျအောင် ကုသမှုခံယူပြီးမှသာ လေ့ကျင့်ခန်းများကို ပြန်လည်ပြုလုပ်သင့်ပါသည်။ ထို နည်းတူစွာ သွေးချိုရှိသင့်သည်ထက် နည်းသွားသော သူများအနေနှင့်လည်း ထိုအချိန်တွင် လေ့ကျင့်ခန်းမ ပြုလုပ်သင့်ပါ။
လမ်းလျှောက်ခြင်းပင်ဖြစ်လင့်ကစား မိမိ၏ စွမ်းနိုင်သမျှအချိန်နှင့်သာကန့်သတ်၍ စတင်ပြုလုပ်ရ မည်ဖြစ်ပါသည်။ တဖြည်းဖြည်းနှင့် တစ်ပတ်မိနစ် ၁၅ဝ ပြည့်စေရန် အချိန်တိုးသွားနိုင်ပါသည်။
လေ့ကျင့်ခန်းလုပ်မှာပဲဆိုပြီး စားချင်သည် များကို စည်းမဲ့ကမ်းမဲ့ စားသောက်လိုက်ခြင်းလည်းမ ပြုလုပ်သင့်ပါ။ သို့သော် ရေကိုပုံမှန်သောက်ပေးပြီး ခန္ဓာ ကိုယ်တွင်းရှိရေဓာတ်ကိုပုံမှန်ထိန်းသိမ်းနေရန် လိုအပ် ပါသည်။
မည်သို့ပင်ဖြစ်စေ၊ လမ်းလျှောက်ခြင်းသည် အခြားသောလေ့ကျင့်ခန်းများနှင့် ယှဉ်ပါက အပန်းကြီး သောလေ့ကျင့်ခန်းမဟုတ်ပါဟု စာရေးသူထင်ပါသည်။ သို့သော် စာရေးသူသိသမျှ ဆီးချိုဝေဒနာရှင် ၁ဝ ယောက် တွင် ထိုသို့လမ်းပုံမှန်လျှောက်သူသည် တစ်ယောက်၊ နှစ်ယောက်ရှိလျှင်ပင် များလှပြီဟု ပြောရသလောက် ပင်ဖြစ်ပါသည်။ သို့သော် ထိုသူများအပြစ်မဟုတ်ပါ။ ဇွဲ ရှိရှိနှင့် စံနှုန်းအတိုင်း ကိုယ်လက်လှုပ်ရှားခြင်းသည် ထင် မထားနိုင်လောက်အောင် ကောင်းကျိုးပြန်ရနိုင်သည် ကိုမသိခြင်းကြောင့်လည်းဖြစ်မည်ဟုသာ စာရေးသူအ နေနှင့် ထင်မိပါသည်။
ထိုသို့ Active Lifestyle ၏အကျိုးများကို အကျဉ်းချုံးမျှ ထပ်မံဆိုရလျှင် လမ်းလျှောက်ခြင်း သို့ မဟုတ် ကိုယ်လက်လှုပ်ရှားမှုကိုပုံမှန်ပြုလုပ်ခြင်းသည် အဝလွန်ခြင်းကိုလျော့ချနိုင်မည်။ သွေးလည်ပတ်မှုကောင်း စေပြီး နှလုံးကိုကြံ့ခိုင်စေသည်။ စိတ်ဖိစီးမှုများကိုလျှော့ ချစေပြီး အိပ်ပျော်စေသည်။ သွေးချို၊ ဆီးချိုအတွက် လိုအပ်သောအင်ဆူလင်ဟော်မုန်းအလုပ်လုပ်ခြင်းကို အထောက်အကူပြုပြီး သွေးချိုပမာဏနှင့်သောက်သုံး ရသောဆေးပမာဏများကို လျော့ကျစေပါသည်။
ထို့ကြောင့် ငွေလည်းမကုန်၊ ဆင်းရဲချမ်းသာ မရွေး လွယ်ကူပြီးပုံမှန်ပြုလုပ်နိုင်သည့် Light intensity လေ့ကျင့်ခန်းအမျိုးအစားတစ်ခုဖြစ်သော လမ်း သွက်သွက် လျှောက်ခြင်းခေါ် Brisk Walking သည် Diabetes ရောဂါဝေဒနာရှင်များအတွက် လွန်စွာမျှပင် အကျိုးရှိနိုင်မည့် ကိုယ်လက်လှုပ်ရှားမှုတစ်ခုဖြစ်ပါ ကြောင်း စာဖတ်သူများသတိပြုနိုင်ပါစေရန်အလို့ငှာ ဤဆောင်းပါးနှင့် တိုက်တွန်းဖော်ပြလိုက်ရပါသည်။

Sunday 25 January 2015

အသက်ကို ရန်ပြုနိုင်တဲ့ စိတ်ကျရောဂါ


အသက်ကို ရန်ပြုနိုင်တဲ့ စိတ်ကျရောဂါ
=========================
စိတ်ဓာတ်ကျတယ် ဆိုတဲ့ စကားကို မကြာခဏပြောဖူး၊ သုံးဖူးကြမှာပါ။ ဒါက အခိုက်အတန့် ကြုံရတဲ့ အနေ အထားတွေကို တုန့်ပြန်တဲ့ ခပ်ပေါ့ပေါ့ ဝေါဟာရတခုပါ။ လူ့သဘာဝအတိုင်း စ်ိတ်ကျတဲ့ခံစားမှုကို ရံဖန်ရံခါ တော့ ကြုံကြရမှာပါပဲ။ ဒါပေမယ့် ရေရှည် စိတ်ဓာတ် ကျနေတယ် ဆိုရင်တော့ ပြဿနာဖြစ်လာပါပြီ။ အဲဒီ စိတ်ကျနေတဲ့ ခံစားမှုဟာ နေ့စဉ်ရက်ဆက် ဖြစ်လာပြီ ဆိုမှဖြင့် စိတ်ကျရောဂါဆိုတဲ့ ဝေဒနာတခု ဖြစ်လာနိုင် တာကို စိုးရိမ်ရပါပြီ။
ဝမ်းနည်းပူဆွေးတာရယ်၊ ဘာကိုမှ စိတ်မဝင်စားနိုင် သလို ဖြစ်နေတာရယ်တွေနဲ့ တခြားလက္ခဏာတွေ တွဲပြီး အနည်းဆုံး ရက်သတ္တ ၂ ပတ်လောက် ဆက်တိုက်ဖြစ်နေပြီး နေ့စဉ်လုပ်ရမယ့် လုပ်ငန်းဆောင်တာတွေကိုပါ ထိခိုက်လာပြီ ဆိုရင်တော့ စိတ်ကျရောဂါ ဖြစ်နေပြီလို့ အကြမ်းဖျဉ်း ဆိုရတော့မှာပါ။ စိတ်ကျရောဂါဟာ ရိုးရိုး အားနည်းတဲ့ လက္ခဏာနဲ့ အဆိုးမြင်တတ်တဲ့ အလေ့အထတခု အဖြစ်ထက် ပိုတဲ့ အဓိကကျတဲ့ လူထုကျန်းမာ ရေး ပြဿနာတခု ဖြစ်ပါတယ်။ ဒါပေမယ့် ကုသလို့ရတဲ့ရောဂါတခု ဆိုတာတော့ သိစေချင်ပါတယ်။
စိတ်ပိုင်းဆိုင်ရာ လက္ခဏာများ
စိတ်ကျရောဂါရဲ့ အဦးအစ လက္ခဏာကတော့ ဝမ်းနည်းသလိုလို ဖြစ်လာတာ၊ ဘာကိုမှ စိတ်မဝင်စားတော့ တာမျိုးပါ။ ပုံမှန်ပျော်ရွှင်ကြည်နူးရတဲ့ အဖြစ်ကလေးတွေကိုတောင် မခံစားမိတော့တာပါ။
နောင်တရနေသလို ခံစားချက်တွေ၊ မိမိဟာ တန်ဖိုးမဲ့ အဓိပ္ပာယ်မဲ့နေသလို ဖြစ်နေတာတွေ၊ မျှော်လင့်ချက် ကုန်ခမ်းသွားသလို ဖြစ်နေတာတွေကနေ သေဖို့အထိ စဉ်းစားပြီး သေကြောင်းကြံတဲ့အထိ ဖြစ်တတ်ကြ ပါတယ်။
ရုပ်ပိုင်းဆိုင်ရာ လက္ခဏာများ
စိတ်ကျရောဂါ ဆိုပေမယ့် ရုပ်ပိုင်းဆိုင်ရာ လက္ခဏာတွေနဲ့ ဆက်နွယ်နေတာကို တွေ့ရပြန်ပါတယ်။ နုံးချိ မောလျနေတတ်တာ၊ အားကုန်ခမ်းသလိုဖြစ်တာ၊ အိပ်မပျော်တာ (အထူးသဖြင့် အစောကြီး အိပ်ရာက ပြန်နိုးနေတာ) ၊ ဒါမှမဟုတ် အလွန်အမင်း အိပ်နေတာ အစရှိတာတွေ တွေ့ရတတ်ပါတယ်။ နာတာရှည် ကိုက်ခဲနာကျင်မှုတွေလည်း ဖြစ်တတ်ပါတယ်။ ခေါင်းကိုက်တာ၊ ကြွက်တက်တာ၊ အစာမကြေတာ စတဲ့ ဝေဒနာတွေက ကုသမှု ခံနေရင်းကိုပဲ ခံစားနေရတာပါ။
စိတ်ကျနေတဲ့ အခါ တခြားရှိပြီးသား ရောဂါတွေပါ ပိုဆိုးလာတတ်ပြီး အသိသာဆုံးကတော့ နာတာရှည် ကိုက်ခဲနာကျင်ခြင်းတွေက ပိုဆိုးလာတတ်ပါ သတဲ့။ ဦးနှောက်ရဲ့ သော့ချက်ကျတဲ့ ဓာတုပစ္စည်းတွေက စိတ်တက်ကြွမှုနဲ့ နာကျင်တာတွေ အပေါ် လွှမ်းမိုးနိုင်တာကိုး။ စိတ်ကျရောဂါကုရင် တခြားရောဂါတွေပါ သက်သာလာတာ တွေ့ရပါတယ်။
အစာစားချင်စိတ်
စားချင်သောက်ချင်စိတ် အပြောင်းအလဲ ဖြစ်တာက စိတ်ကျရောဂါရဲ့ သိသာတဲ့ လက္ခဏာတခုလို့ ဆိုကြ ပါတယ်။ တချို့ကတော့ စားချင်စိတ် ပိုလာပြီး မရပ်မနားစားကြ၊ တချို့ကလည်း ဘာမှ စားချင်စိတ် မရှိလို့ မစားကြ ဆိုပြီး အစွန်းနှစ်ဖက် ဖြစ်လာကြပါတယ်။ ဒါကြောင့် စိတ်ကျ ရောဂါသည်တွေမှာ အရမ်းပိန်တာနဲ့ အဝလွန်တာ နှစ်မျိုးလုံးကို တွေ့ရတတ်ပါတယ်။
နေ့စဉ်ဘဝကို ထိခိုက်မှု
စိတ်ကျရောဂါကို ဆေးမကုသဘဲနေရင် ရုပ်ပိုင်း၊ စိတ်ပိုင်းထိခိုက်မှုတွေကနေ အလုပ်အကိုင်၊ ပေါင်းသင်း ဆက်ဆံရေး၊ ဝါသနာပါရာ စိတ်ဝင်စားမှုတွေကို ထိခိုက်လာပါ တော့တယ်။ စိတ်ကျနေတော့ အာရုံစူးစိုက်ရ တာ ခက်ခဲပြီး ဆုံးဖြတ်ချက်တွေ ချဖို့ အဆင် မပြေဖြစ်လာပါတယ်။ ပုံမှန် ပျော်ရွှင် နှစ်သက်မှုတွေ (ဥပမာ-လိင်ကိစ္စလိုမျိုး) ကနေပါ ဝေးကွာလာပါ တော့တယ်။ သိပ်ဆိုးသူတွေ ဆိုရင်တော့ အသက် အန္တရာယ်ပါ
ထိပါးလာ နိုင်ပါတယ်။
စိတ်ကျရောဂါရှင် တွေမှာ မိမိကိုယ်မိမိ သေကြောင်းကြံမှုတွေ ရှိတတ်ပါတယ်။ စိတ်ကျရောဂါ လက္ခဏာ ပြနေသူ တယောက်က သေဖို့အကြောင်းတွေ ပြောလာရင်၊ တခြားသူကို ထိခိုက် နာကျင်အောင် လုပ်လာရင်၊ စိတ်တို ရန်လို တာတွေ ပုံမှန်ထက်ပိုလာပြီဆိုရင်တော့ အထူး သတိပြုပြီး အရေးပေါ်လုပ်ဆောင်ဖို့ လိုလာ ပါပြီ။ သေကြောင်း ကြံစည်တာတွေ လုပ်ဖို့ နီးစပ်လာပြီလို့ ဆိုလိုချင်ပါတယ်။
လူတိုင်းဟာ စိတ်ကျရောဂါ ဖြစ်နိုင်ခြေ ရှိသူတွေချည်းပါ။ တချို့ကတော့လည်း မျိုးရိုးဗီဇနဲ့ သက်ဆိုင်နေ ပြန်ပါတယ်။ အမျိုးသမီးတွေမှာ အမျိုးသားတွေထက် စိတ်ကျရောဂါဖြစ်မှု ၂ ဆ ရှိတယ်လို့ ဆိုပါတယ်။
ဖြစ်စေတတ်တဲ့ အကြောင်းများ
စိတ်ကျရောဂါ ဘာကြောင့်ဖြစ်တယ်လို့ ဆေးပညာအရ အတိအကျ မဆိုနိုင်ပေမယ့် ထင်ရှားတဲ့ အယူအဆ တခုကတော့ ဦးနှောက်ရဲ့ဖွဲ့စည်းပုံနဲ့ ဦးနှောက်ထဲက ဓာတုပစ္စည်းတွေရဲ့ လုပ်ငန်းဆောင်တာတွေ ချို့ယွင်းလို့ လို့ဆိုတာပါပဲ။ စိတ်ကျနေသူ တွေမှာ လူရဲ့ စိတ်ခံစားမှုကို ထိန်းချုပ်တဲ့ စနစ်တွေ အလုပ် သိပ်မလုပ်တာကို တွေ့ရလို့ပါပဲ။
ဒါကြောင့် စိတ်ကျရောဂါ အတွက် အသုံးပြုတဲ့ ဆေးတွေက အာရုံကြောဆဲလ်တွေကို ပုံမှန် ချိတ်ဆက်နိုင် အောင် လုပ်ပေးကြတာပါ။ ပညာရှင်တွေ အဆိုအရတော့ ကြီးမားတဲ့ စိတ်ထိခိုက်မှု (ဥပမာ- ကိုယ် သိပ်မြတ် နိုးတဲ့သူ ဆုံးပါးတာမျိုး) က ဇီဝအပြောင်းအလဲတွေ ဖြစ်ပြီး စိတ်ကျရောဂါ ဖြစ်စေတယ်လို့ ပြောပါတယ်။
တခြား အကြောင်းရင်းတွေ အဖြစ် ဆေးဝါးတွေ၊ အရက်နဲ့ မူးယစ်ဆေးတွေ၊ ဟော်မုန်း အပြောင်းအလဲတွေ ကြောင့်လည်း ဖြစ်စေတယ် လို့ ဆိုပါတယ်။ အချို့မှာတော့ ရာသီအပြောင်းအလဲကိုလိုက်ပြီး စိတ်ကျတတ်ပါ သတဲ့။ မွေးဖွားပြီးစ မိခင်တွေမှာလည်း မီးတွင်း စိတ်ကျရောဂါ ဖြစ်တတ်သလို ကလေးငယ်လေးတွေမှာ လည်း စိတ်ကျရောဂါ ဖြစ်တတ်ပါတယ်။
ပုံမှန်ဆော့ကစားဖို့ ပျက်လာတာ၊ သူငယ်ချင်းတွေကို ရှောင်လာတာ၊ ကျောင်းစာတွေ မလုပ်နိုင်တော့တာ ဆိုတဲ့ လူကြီးနဲ့ ဆင်တူ လက္ခဏာတွေ ပေါ်တတ်သလို ဒေါသကြီးပြီး ရန်မူတာတွေလည်း လုပ်တတ်ကြ ပါတယ်။ ကလေးတွေမှာ စိတ်ကျရောဂါ ဖြစ်နေတာကို ခွဲခြားသိနိုင်ဖို့ ကတော့ ပိုပြီး ခက်ခဲတတ်ပါတယ်။
ရောဂါရှာဖွေပုံနဲ့ ကုသနည်း
စိတ်ကျရောဂါကို ဓာတ်ခွဲခန်း စစ်ဆေးချက်တွေနဲ့ အဖြေရှာလို့ မရနိုင်ပါဘူး။ တိကျတဲ့ ရောဂါသတ်မှတ်ချက် ရဖို့ စိတ်ကုပညာရှင်တွေက လူနာရဲ့ လက္ခဏာ တင်ပြချက်တွေနဲ့ပဲ စစ်ဆေး အတည်ပြုရတာပါ။
ကျန်းမာရေးရာဇဝင်နဲ့ သောက်နေရတဲ့ ဆေးတွေကလည်း စိတ်ကျရောဂါရဲ့ လက္ခဏာတွေ ဖြစ်ပေါ်တတ်ပါ တယ်။ လူနာရဲ့ စိတ်ခံစားမှု၊ အမူအကျင့်၊ နိစ္စဓူဝ လှုပ်ရှားပြုမူတာတွေကနေ စိတ်ကျရောဂါရဲ့ အခြေအနေ ကို ဆန်းစစ်ရတာပါ။ စိတ်ဆရာဝန်တွေက လူနာနဲ့ ဆွေးနွေးပြီး ရောဂါအမည်တပ်ဖို့ ကြိုးစားကြရတာမို့ ခက်ခဲတဲ့ အဆင့်ပါပဲ။
စိတ်ကျရောဂါလို့ နာမည်တပ်ပြီးပြီ ဆိုရင်တော့ လူနာအခြေအနေ အပေါ် လိုက်ပြီး ကုသနည်းတွေ အမျိုးမျိုး သုံးကြရပါတယ်။
စကားပြောကုသနည်း
သာမန် အလယ်အလတ် အဆင့် စိတ်ကျရောဂါတွေ အတွက် ထိရောက်ပါ တယ်။ လူနာရဲ့ စိတ်ကျမှု ဖြစ်စေတဲ့ အမူအကျင့်၊ အတွေးအခေါ်တွေ ပြောင်းလဲပေးဖို့ ဆက်သွယ် ပြောကြားရတာ ပါ။ အမှန်တကယ် စိတ်ပိုင်းဆိုင်ရာ ကျွမ်းကျင်သူတွေရဲ့ ချဉ်းကပ်မှုတွေနဲ့ ဆိုရင် တချို့ကျတော့ ကာလ အပိုင်းအခြား တခုမှာ ပျောက်ကင်း သွားတတ်ပြီး တချို့ကတော့ မကြာခဏ ပြောဆို ဆွေးနွေးမှု ခံယူဖို့ လိုပါ တယ်။
ဆေးဝါးဖြင့်ကုသနည်း
စိတ်ကျရောဂါ အတွက် ဖော်စပ်ထားတဲ့ ဓာတုဆေးဝါးတွေနဲ့ ကုရတာပါ။ ဆေးတွေမှာ ဘေးထွက် ဆိုးကျိုးတွေ ရှိတတ်တာမို့ ကျွမ်းကျင်သူ ဆရာဝန်ရဲ့ ညွှန်ကြားချက်နဲ့သာ ကုသရ မှာပါ။ ဆေးဝါးနဲ့ ကုသနည်း အပြင် တခြားကုသနည်းတွေ အများကြီး သုံးကြပါသေးတယ်။ အလင်းရောင်ပေး ကုသတာ၊ လျှပ်စစ်ရှော့ခ်နဲ့ ကုတာစသဖြင့် ရောဂါပြင်းထန်မှု အပေါ် မူတည်ပြီး ကုသမှု ပေးရပါတယ်။
ဘာပဲဖြစ်ဖြစ် စိတ်ကျမှုက သာမန်မျှော်လင့်ချက်မဲ့၊ ကူရာကယ်ရာမဲ့ ခံစားချက်မျိုးကနေ သေကြောင်းကြံတဲ့ အထိ ဖြစ်တတ်တဲ့ ဝေဒနာပါ။ အဲသလိုပဲ ဆွေးနွေးပြောကြားကုသတာ၊ ဆေးဝါးတွေနဲ့ ကုသတာတွေကနေ လည်း ၈၀% ကျော် ပြန်လည်ကောင်းမွန်တတ်တဲ့ ရောဂါဖြစ်ပြီး ပြင်းထန်လွန်းမှ တခြားကုသနည်းတွေ သုံးဖို့ လိုအပ်တာပါ။
ကိုယ်တိုင်ဖြစ်စေ၊ ကိုယ့်ဝန်းကျင်မှာဖြစ်စေ ဒီလိုဝေဒနာခံစားနေရတာမျိုးကို သတိပြုမိရင် လူမှုရေးဆိုင်ရာ အထောက်အကူ တွေနဲ့ ဖေးမကူညီ လက်တွဲခေါ်ယူပြီး တတ်ကျွမ်းသူနဲ့ တိုင်ပင် ကုသကြရင်ဖြင့် ကျနေတဲ့ စိတ်တွေ ပြန်လည် တက်ကြွပြီး ဘဝကို ကြံ့ခိုင်၊ ကျန်းမာ၊ ပျော်ရွှင်စွာ ဖြတ်သန်းနိုင်ကြမယ် ဆိုတာ သတိမူ မိရေး အသိပေး လိုက်ပါတယ်။ ။
Categories – Health
လူတိုင်းဟာ စိတ်ကျရောဂါ ဖြစ်နိုင်ခြေ ရှိသူတွေချည်းပါ။ တချို့ကတော့လည်း မျိုးရိုးဗီဇနဲ့ သက်ဆိုင်နေပြန်ပါတယ်။ အမျိုးသမီးတွေမှာ အမျိုးသားတွေထက် စိတ်ကျရောဂါဖြစ်မှု ၂ ဆ ရှိတယ်လို့ ဆိုပါတယ်။ စိတ်ကျရောဂါသည်တွေမှာ အရမ်းပိန်တာနဲ့ အဝလွန်တာ နှစ်မျိုးလုံးကို တွေ့ရတတ်ပါတယ်
ဆောင်းပါး
အသက်ကို ရန်ပြုနိုင်တဲ့ စိတ်ကျရောဂါ
ဒေါက်တာသက်ဦး
ဇန်န၀ါရီ ၂၂၊ ၂၀၁၅

Friday 23 January 2015

အဆီကျစေတဲ့ ကြက်သွန်နီသုပ်


အဆီကျစေတဲ့ ကြက်သွန်နီသုပ်
------------------------------------
ကြက်သွန်နီကို ဟင်းချက်နည်းမျိုးစုံအတွက် အသုံးပြုပြီး စားသုံးနေကြပါတယ်။ ချက်ပုံနဲ့စားပုံများ မတူညီကြသလို သူ့ရဲ့အကျိုးပေးအာနိသင်ကလည်း ကွဲပြားကြပါတယ်။
ယခုဖော်ပြပေးမည့် နည်းလေးကတော့ ကြက်သွန်နီကို အဆီကျဆေးအဖြစ် အစိမ်းသုပ်စားရတဲ့ စားသုံးနည်းတစ်ခု ဖြစ်ပါတယ်။
(၁) ကြက်သွန်နီကို ပါးပါးလှီး၍ ပန်းကန်ထဲ ထည့်ပါ။
(၂) သံပုရာသီး ညှစ်ထည့်ပါ။ အနံ့ပြင်း၍ စပ်နေသော ကြက်သွန်နီကို သံပုရာသီးအချဉ် ညှစ်ထည့်လိုက်ပါက အချိုဓါတ်သို့ ပြောင်းသွားစေပါသည်။
(၃) သခွါးသီး ထည့်လိုပါက (အနည်းငယ်မျှ) ပါးပါးလှီး၍ ထည့်နိုင်ပါသည်။
(၄) အစပ်ကြိုက်ပါက ငရုတ်သီးစိမ်း အနည်းငယ် လှီးထည့်နိုင်ပါသည်။
(၅) ဆားအနည်းငယ်မျှ ထည့်ပေးပါ။ ဆားမပါလျှင် အရသာပေါ့မည်။ ဆားများလွန်းရင်လည်း အငံကြောင့် သွေးတိုးစေပါသည်။
(၆) ကြက်သွန်မိတ် (သို့မဟုတ်) ကုလားနံနံပင်တို့ကိုလည်း အနံ့ကြိုက်တတ်လျှင် အနည်းငယ်မျှ ထည့်နိုင်ပါသည်။
၎င်းတို့ကို နယ်ပြီးလျှင် ကြက်သွန်ချဉ်သုပ်ကလေး စားလို့ရပါပြီ။ ဒီအတိုင်း မစားချင်လျှင် ထမင်း၊ ကြာဇံကြော်၊ ပဲပလာတာ၊ ခေါက်ဆွဲကြော် စသည့် သူနှင့်လိုက်ဖက်မည့် အစားအစာများနှင့် တွဲဖက်၍ မကြာခဏ စားသုံးပေးနိုင်ပါသည်။
ပါးစပ်မနံအောင်
ကြက်သွန်ဖြူ၊ ကြက်သွန်နီတို့ကို အစိမ်းစားပြီး ပါးစပ်နံမှာ စိုးရိမ်နေသူများအတွက် သဘာဝနည်းလမ်းကောင်းလေးတစ်လက်ကို ညွန်ပေးလိုက်ပါမယ်။
(၁) ကြက်သွန်အနံ့ကိုနိုင်တာ မြေပဲဖြစ်ပါတယ်။ ကြက်သွန် နီ၊ ဖြူ တို့ကို စားပြီးလျှင် မြေပဲဆန် ၃ ၊ ၄ စိကိုသာ ၀ါးစားပါ။ တစ်မိနစ်အတွင်း အနံ့များကို မြေပဲက စုတ်ယူသွားမည်။
(၂) အဖန်ရည် (လက်ဖက်ရည်ကြမ်း) ဖြင့် ပလုတ်ကျင်းပေးပါ။
(၃) နွားနို့ဖြင့် ပလုပ်ကျင်းပေးပါ။
အရသာရှိ၍ စားကောင်းသော ကြက်သွန်နီအစိမ်းသုပ်ကို မကြာခဏ စားသုံးခြင်းဖြင့် ခန္ဓာကိုယ်တွင် ပိုလျှံနေသော အဆီများကို လျှော့ချပြီး သွယ်လျကျစ်လစ်သော ကိုယ်ခန္ဓာအလှကို ပိုင်ဆိုင်နိုင်ကြပါစေ။
စောနွဲ့နေဆိုင် (ပူတာအို)
ကျမ်းကိုး ။ ။ Natural Health Care For You

Thursday 22 January 2015

၅ မိနစ်အတွင်း ခေါင်းကိုက်ပျောက်တဲ့နည်း


၅ မိနစ်အတွင်း ခေါင်းကိုက်ပျောက်တဲ့နည်း
-------------------------------------------------
ခေါင်းကိုက်နေလား?
ငါးမိနစ် အတွင်းမှာပဲ သင့်ခံစားနေရတဲ့ ခေါင်းကိုက်ဝေဒနာဟာ သက်သာ သွားပါလိမ့်မယ်။
လွယ်ကူတဲ့ နည်းလမ်းလေးလည်း ဖြစ်ပြီး ဘာမှ ကုန်ကျမှု မရှိပါဘူး။
ဒါက အိန္ဒိယက ကုထုံး တစ်ခု ဖြစ်တယ်လို့ လည်း ဆိုပါတယ်။
သင် အသက်ရှုတဲ့ နှာခေါင်း ပေါက် နှစ်ပေါက်မှာ ညာဘက် အပေါက်က
နေကို ကိုယ်စားပြုပြီး ဘယ်ဘက် ကတော့ လ ကို ကိုယ်စားပြုတယ်လို့  ဆိုပါတယ်။
ခေါင်းကိုက်နေတဲ့ အတောအတွင်းမှာ ညာဘက်အပေါက်ကို ဖိပြီး လက်ဖြင့်ပိတ်လိုက်ပါ။ ပြီးတော့ ဘယ်ဘက် အပေါက်ကနေသာ
လေကို ရှုထုတ်လုပ်ပေးပါ။ ငါးမိနစ် ကြာတဲ့ အတောအတွင်းမှာပဲ သင့်ရဲ့ ခေါင်းကိုက် ဝေဒနာဟာ သက်သာပျောက်ကင်းသွားပါလိမ့်မယ်။
အကယ်လို့  ပင်ပန်းနေတယ်လို့  ခံစားနေရရင် တော့ သူနဲ့ ပြောင်းပြန်ပါပဲ ။ ဘယ်ဘက် အပေါက်ကို ပိတ်ပြီး ညာဘက်ကနေ လေရှုလေထုတ် လုပ်ပေးပါ။
မကြာခင်မှာပဲ ပင်ပန်းတာတွေ ပြေပျောက်ပြီး စိတ်လန်းဆန်းမှု ရရှိလာမှာ ဖြစ်ပါတယ်။
ညာဘက် နှာခေါင်းပေါက်ဟာ အပူ ကို ဖြစ်ပေါ်စေတဲ့ အတွက် ပူနွေးမှုကို ချက်ချင်း ဖြစ်ပေါ်စေပြီး ၊ ဘယ်ဘက် ကတော့ အအေးကို ကိုယ်စားပြုတာ ဖြစ်ပါတယ်။ အမျိုးသမီး အများစုဟာ ဘယ်ဘက်နဲ့ အသက်ရှုတာ ဖြစ်ပါတယ်။ ဒါကြောင့် အအေးကို ပို ခံစားရပါတယ်။ အမျိုးသားများကတော့ ညာဘက် နဲ့  အသက်ရှုတာ များကြတဲ့အတွက် အပူဓာတ်ဖြစ်စေပြီး အလုပ်ပိုလုပ်နိုင် ပါတယ်။
သင် နိုးထနေတဲ့ အခါ နှာခေါင်းရဲ့ ဘယ်အပိုင်းက နေ ပိုပြီး အသက်ရှူသလဲဆိုတာ သတိထားကြည့်ပါ။
ဘယ်ဘက်က အသက်ရှုရတာ ပိုကောင်းတယ်ဆိုရင် ပင်ပန်းမှုကို ခံစားစေနိုင်ပါတယ်။ ဒီတော့ ဘယ်ဘက် ပိုင်းကို လက်နဲ့ ခဏပိတ်ထားပြီး ညာဘက်နဲ့ အသက်ရှုကြည့်ပါ။အဲ့ဒီအချိန် မကြာခင်မှာဘဲ လန်းဆန်းမှုကို ရရှိမှာ ဖြစ်ပါတယ်။
အကယ်လို့  ခေါင်းကိုက်ဝေဒနာကို မကြာခဏ ခံစားနေရတယ် ဆိုရင် ဒီလေ့ကျင့်ခန်းကို တစ်လလောက် ပုံမှန်လုပ်ပေးရင် လုံးဝ ပျောက်ကင်း
စေမှာ ဖြစ်ပါတယ်။ ဒါကတော့ ဆေးဝါး သုံးစွဲရန် မလိုတဲ့ သဘာဝ နည်းလမ်း လေးပဲ ဖြစ်ပါတယ်
@Credit YoeYar Lay

Wednesday 21 January 2015

အူမကြီးကင်ဆာ ဖြစ်မဖြစ် စောစောစီးစီး သိစေဖို့  ရည်ရွယ်လျက်


အူမကြီးကင်ဆာ ဖြစ်မဖြစ် စောစောစီးစီး သိစေဖို့  ရည်ရွယ်လျက် .....
အူမကြီး
ဗိုက်ထဲမှာ ရှိတဲ့ အစာအိမ် နဲ့ အူလမ်းကြောင်း ကိုကြည့်မယ်ဆိုရင် အပေါ်ပိုင်းနဲ့  အောက်ပိုင်း ( Upper GastroIntestinal Tract & Lower GastroIntestinal Tract ) ဆို ပြီး အပိုင်းကြီး ၂ ပိုင်း ခွဲခြားထားပါတယ် ။ အူမကြီး( Colon) နဲ့  စအို( Rectum) တို့ ဟာ Lower GI ထဲမှာ ပါ ပါတယ် ။ Ascending , Transverse , Descending ,Sigmoid colon ဆို ပြီး အူမကြီးရဲ့  နေရာ ပုံသဏ္ဍန် ကိုလိုက်ပြီး အမည် နာမ တွေ ထပ် ခွဲခြား ထားပါသေးတယ် ။
အူလမ်းကြောင်းရဲ့ တာဝန်များမှာ -
• အစာအိမ်ထဲတွင်ှ ချေဖျက်ပေးလိုက်သည့် အစားအစာများမှ ခန္ဓာကိုယ် အတွက် လိုအပ်သည့် အဟာရ များကို သွေးကြောများအတွင်းသို့ ရောက်အောင် စုပ်ယူ ပြီး ပို့  ဆောင်ပေးခြင်း
• မလိုအပ်ပဲ ကျန်နေသော စုပ်ယူခြင်း မပြုလုပ်နိူင်သည့် အစာဟောင်းများအား မစင် ၊ အညစ် အကြေးအဖြစ် စအို မှ တဆင့် စွန့် ထုတ် ပေးခြင်း တို့ ဖြစ်ပါသည်။
အူမကြီးကင်ဆာတွင် တွေ့ ရှိရသည့် ရောဂါလက္ခဏာများ
• အစပိုင်းတွင် သိသာထင်ရှားမှု မရှိ သောကြောင့် ရောဂါ ကို စောလျှင်စွာ ဖေါ်ထုတ်နိုင်ရန် ခက်ခဲပါသည်။
• အောက်ပါ လက္ခဏာများ ရှိနေပြီဆိုလျှင် အမြန်ဆုံး စစ်ဆေးရန့် လိုအပ်ပါသည်။
1. ဝမ်းသွားနေကျ အလေ့အထ ပြောင်းလဲ လာခြင်း
2. ရက်သတ္တပါတ် များစွာ သွားသည့် ဝမ်း မှာ မာခြင်း၊ ပျော့ခြင်း ၊ ဝမ်းချုပ်ခြင်း ၊ ဝမ်းပျက် ဝမ်းလျှော ဖြစ်ခြင်း
3. ဝမ်းသွားရာတွင် သွေးစသွေးန များ ပါလာာခြင်း
4. ဗိုက်ရစ်ပြီး ၊ ဗိုက်အောင့် ဗိုက်နာ လေထိုးလေနာလိုမျိုး ခံစားရတတ်ပါတယ်။(၄)-ဝမ်းသွားပြီးပေမဲ့  အကုန်မစင်ပဲ ကျန်နေသလိုမျိုး ခံစားရခြင်း
5. တကိုယ်လုံး အားမရှိသလို နုံး ပြီး ပင်ပန်းနွမ်းနယ်ခြင်း
6. အကြောင်း မရှိပဲ့ ကိုယ်ခန္ဓာ အလေးချိန် လျော့ နည်းလာခြင်း၊ တဖြေးဖြေး ပိန်ချုံးလာခြင်း
အူမကြီးကင်ဆာ ရောဂါ ဖြစ်နိုင်ခြေ ရှိသူများ
• အသက်၅၀ ကျော်ပြီး သွေးသားအရင်းအခြာ ထဲတွင် ရောဂါ ဖြစ်သူရှိသူများ
• အစားအသောက်တွင် အသားချည်း အဓိကစားသူများ
• အမျှင်များသည့် ဟင်းသီးဟင်းရွက် high fiber diet စားလေ့ စားထ မရှိသူများ
အူမကြီးကင်ဆာ အတွက် အထောက်အကူပြုသော်လည်း တတ် ကျွှမ်းနားလည်သည့် ဆရာဝန် နှင့် သေချာ စမ်းသပ် ဆွေးနွေးပြီးမှ အသုံးပြုသင့်သော် ဆေးများ
• ကယ်လ်စီယမ်(Calcium)
• ဆဲလီနီယမ် (Selenium)
• သွေးနီဥ ဖြစ်ဖို့ လိုအပ်သော ဖေါလစ်အက်စစ်(Folic Acid)
• အက်စ်ပရင်လိုမျိုး အကိုက်အခဲ ပျောက်ဆေး( aspirin-like painkillers )
• ဟော်မုန်း ကုသမှု တချို့  (hormone replacement therapy) များ
အူမကြီးကင်ဆာ ဖြစ်ပွားစေသည့် အကြောင်းရင်းများ
• အဓိက အကြောင်းရင်းကို သေချာရှင်းလင်းစွာ မသိကြသေးပါ။
• အူမကြီးနဲ့  စအို အတွင်းနံရံတွေမှာ ပေါ်လာလေ့ ရှိသည့် မှိုပွင့် ပုံစံ အသားပိုအလုံး (Polyps) များ ကြောင့် အများဆုံး ဖြစ်နိုင်ခြေ ရှိပါသည်။ အကြို ကင်ဆာ အသားလုံးလို့  ( precancerous cells (polyps) on the inside lining of the colon ) လည်း ခေါ်ဆိုကြပါသည်။
• အချို့ ဆိုလျှင့် အဖုလုံးလေး အနေနှင့် ထွက်ပေါ်မလာပဲ အူနံရံ မျက်နှာပြင်အတိုင်း တပြေးတည်း ပြားနေ တတ်သဖြင့် သိသာမူ မရှိခြင်းများ ရှိပါသည်။
• မျိုးရိုးလိုက်ပြီး မျိုးရိုးဗီဇဆဲလ်များ ပြောင်းလဲ သွားမှု (Inherited gene mutations ) ကြောင့် လည်း ဖြစ်စေတတ်သော်လည်း ရာခိုင်နှုန်းတော့  နဲပါသည်။ အောက်ပါ အတိုင်း ၂မျိုး ရှိပါသည်။

o (က)- Familial adenomatous polyposis (FAP). မျိုးရိုးလိုက်ပြီး ဖြစ်ပေါ်သည့် အသားပိုလုံးလေး ဖြစ်ပါသည်။ အသက် ၄၀ မတိုင်မီ မှာ ကင်ဆာဖြစ်နိုင်ခြေ ရှိပါသည်။
o (ခ) - Hereditary nonpolyposis colorectal cancer (HNPCC) အသားပိုလုံး ထွက်ပေါ်ခြင်း မျိုးရိုးလိုက်ပြီး ဖြစ်ပေါ်သည့် အူမ ကင်ဆာ ဖြစ်ပြီး အခြားကင်ဆာများ (ကျောက်ကပ် ၊အသည်း၊ အစာအိမ်၊ သားအိမ်၊ ဥအိမ် ကင်ဆာ) များနှင့် တွဲဖက်ပြီးတွေ့ ရတတ် သဖြင့် Lynch syndrome ဟု ခေါ်ဆိုပါသည်။ ထို့အပြင် Crohn's disease, ulcerative colitis ဟု ခေါ် ဆိုသော အူမကြီး အနာဖြစ်ပြီး ယောင်ရမ်း ခြင်း ရောဂါ ရှိခဲ့ဖူးသူ များမှာ လည်း ကင်ဆာ ဖြစ်လာနိုင်ပါသည် ။ မိဘမျိုးရိုး (မိဘ နှင့် မောင်နှမ ရင်းချာ များ) အူမကြီးကင်ဆာ ဖြစ်ဖူးသူ ရှိပါက အထူးသတိထား သင့်ပါသည်။
ဒါ့အပြင်အဝလွန်သူ၊ လှုပ်ရှားသွားလာမှု နည်းပါးသူ ၊ ဆီးချိုရောဂါရှိသူ ၊ဆေးလိပ်သောက်သူ၊ အရက်သောက်သူ၊ အခြားကင်ဆာကြောင့် ဝမ်းဗိုက်မှာ ဓါတ်ကင်ကုသမှု ခံယူခဲ့ ဖူးသူ အစ ရှိသူများတွင် အူမကြီးကင်ဆာ ပိုမို ဖြစ်နိုင်ခြေရှိပါသည်။
အူမကြီးကင်ဆာ အတွက် မည်ကဲ့သို့ စမ်းသပ်စစ်ဆေးခြင်းများ ပြုလုပ်ခြင်း
ရောဂါကို စောစီးစွာ သိရပြီး လိုအပ်သည့် အချိန်မီ ကုသမှုများ ရယူနိုင်ရန် ပုံမှန် စမ်းသပ် စစ်ဆေးခြင်းများ ပြုလုပ်ရန် လိုအပ်ပါသည်။ှ
o ဝမ်းထဲသွေးပါလျှင် ဝမ်းကို ဦးဆုံး စစ်ရန် လိုအပ်ပါသည် ။ Stool for Occult Blood (OB) ဟု ခေါ်ဆိုပါသည်။
o ပိုမိုသင့်တော် ကောင်းမွန်သည့် နည်းမှာ colonoscopy ခေါ်ဆိုသည့် မှန်ပြောင်းဖြင့် စစ်ဆေးသည့် နည်း ဖြစ်ပါသည်။ အထဲမှ အလုံးအဖုများကို တိုက်ရိုက် တွေ့ မြင်နိုင်ပြီး biopsy (အသားစယူ၍ စစ်ဆေးခြင်း) ကိုပါ တပြိုင်နက် လုပ်ဆောင်နိုင်ပါသည်။ အသားပိုလုံး များ တွေ့ ရှိပါက တစ်ပြိုင်တည်း နဲ့  ဖြတ်လို့ ရနိုင်ပါသည်။
o Barium Enema ခေါ် ဆိုသည့် ဆေးသွင်းပြီးဓါတ်မှန်ရိုက်ခြင်း
o CT Scan ရိုက်ခြင်း
o Ultrasound ဖြင့် စစ်ဆေးမှု ပြုလုပ်ခြင်း
o Tumor marker အဖြစ် သတ်မှတ်ထားသည့် သွေးတချို့  ကိုစစ်ဆေးခြင်းဖြင့် အချို့  ကင်ဆာ များကို သိရှိနိုင်ပါသည်။ သွေးရည်ကြည်ထဲ တွင် ပါဝင်သည့်  Carcinoembryonic antigen (CEA) ကိုစစ်ဆေးခြင်းဖြင့် အူမကြီးကင်ဆာ ဖြစ်နေခြင်း ရှိ မရှိ ခန့်မှန်းနိုင်ပါသည်။
o အခြားသော သွေးစစ်ခြင်းများ အနေနှင့် CA 19-9 , AFP, Galactosyl Transferase II , ဓါတ်များကို စစ်ဆေးခြင်းဖြင့်လည်း ခန့်မှန်းနိုင်ပါသည်။ သွေးစစ်ခြင်းမှ ရရှိသော အဖြေများသည် အခြားသော ကင်ဆာများ ဖြစ်ကြသည့် အသည်း၊ အစာအိမ် ၊ သရက်ရွက်၊ သားအိမ်၊ ဥအိမ် ၊ အဆုပ် အစရှိသည့် နေရာများမှာလည်း ပုံမှန် ထက် များပြား နေတတ်ပါသည်။
အူမကြီးကင်ဆာရောဂါ အနုအရင့် (Stages )
အူမကြီးကင်ဆာရောဂါ အနုအရင့် (Stages ) အဆင့်များပေါ် မူတည်ပြီး ရောဂါကုသမှု နှင့် အကျိုးသက်ရောက်မှု များ ကွာခြားပါသည်။ အနာရှိရင် ဆေးသိတယ် ဆိုပေမဲ့  လည်း အချိန်လွန်ပြီး ရောဂါကျွမ်း မှ ကုသမှု ခံယူမူ ပြုလျှင်အောင်မြင်မှု နည်းပါးမည် ဖြစ်သည်။
အူမကြီးကင်ဆာရောဂါ ရောဂါကို အကြမ်းဖြင်း အားဖြင့် ခွဲထားပုံမှာ-
1. Stage 0
2. Stage I
3. Stage II(A,B)
4. Stage III(A,B,C)
5. Stage IV
အူမကြီးကင်ဆာရောဂါ အား မည်ကဲ့သို့  ကုသမလဲ
o အူမကြီးကင်ဆာမှာ ဆေးထိုး၊ ဆေးစားရုံနှင့် ပျောက်ကင်းနိုင်ခြင်း မရှိသည့်အတွက် အဓိက ကျသည့် ကုသမှု မှာ့ ခွဲစိပ်ကုသခြင်း ဖြစ်ပါသည်။
o ရောဂါ နုစဉ် စောလျှင်စွာ သိရှိကာ ခွဲစိပ်မှု ခံယူနိုင်လျှင် များသောအားဖြင့် ပျောက်ကင်းနိုင်ပါသည်။
o ခွဲစိပ်ရာတွင် ရောဂါပြန့်ပွားနေသည့် ကင်ဆာအကြိတ်အား အတတ်နိုင်ဆုံး ခွဲစိတ် ဖြတ်တောက်ပြီး ကျန်ရှိနေသည့် အူမကြီး အပိုင်း နောက်တွင် ယာယီ သို့ မဟုတ် အမြဲတမ်းသုံး နိုင်ရန် မစင်စွန့်ပေါက် ကိုပါ တည်ဆောက်ပေးရခြင်း ဖြစ်ပါသည်။
o နောက်အဆင့် အနေနှင့် Chemotherapy ခေါ် ကင်ဆာဆေးများသွင်းပြီး ကုသခြင်း၊ Radiotherapy ခေါ် အဏုမြူ ဓါတ်ရောင်ခြည်ပေးပြီးကုသခြင်း များအား ခွဲစိပ်မှု အပြီးတွင် ဆက်လက်ပြုလုပ် ပေးရပါသည်။ အချိန်လွန် နောက်ကျပြီးမှ သိရှိရပြီး ခွဲစိပ်ကုသနိုင်ရန် မဖြစ်နိုင်တော့ ပါက ဤကဲ့သို့ ဆေးသွင်းခြင်း၊ ဓါတ်ကင်ခြင်း များသာ ပြုလုပ်နိုင်တော့မည် ဖြစ်ပါသည်။
အူမကြီးကင်ဆာရောဂါ မှ ကင်းဝေးနိုင်ကြပါစေ။
MOMO Pharmacy Myanmar Team
17-Jan-2015

Sunday 18 January 2015

ငါးမျက်စိနာအတွက် မရိုးပင်


ငါးမျက်စိနာအတွက် မရိုးပင်
------------------------------------
ငါးမျက်စိနာကို အင်္ဂလိပ်လို Corn လို့ ခေါ်ကြပါတယ်။ ခြေထောက်မှာ ပေါက်တာ များပါတယ်။ အသားမာတက်လာပြီး အလိုလိုဖြစ်လာတဲ့ သဘောပါ။ ကြွက်နို့နှင့် အနည်းငယ် ဆင်တူပါတယ်။ ရောဂါကြီးကြီးမားမားတော့ မဟုတ်ပါ။ ဒါပေမယ့် ကူးစက်လွယ်ကူပါတယ်။
ငါးမျက်စိဖြစ်ပြီး ကြာလာလျှင် နာလာပါတယ်။ ထိမိတိုင်း၊ ဖိမိတိုင်း နာကျင်စွာ ခံစားရပါတယ်။ ဒါကြောင့် ပျောက်အောင်ကုသလျှင် အကောင်းဆုံးပါ။
ငါးမျက်စိနာပျောက်စေတဲ့ အနောက်တိုင်းထုတ် သောက်ဆေး၊ ထိုးဆေးအချို့ကို ဘေးထွက်ဆိုးကျိုးများကြောင့် ကျန်းမာရေးအဖွဲ့များမှ တားမြစ်ထားပါတယ်။
ငါးမျက်စိနာအတွက် သဘာဝနည်းဖြင့် အလွယ်တကူ ကုသလိုပါက မိမ်ိအနားမှာ အလွယ်တကူ ရရှိနိုင်သည့် မုရိုးပင် (မရိုးပင်၊ ငဖြူကြီးပင် - ပုံထဲမှာ ပြပေးထားသည့်အပင်) ဖြင့် ကုသနိုင်ပါတယ်။
ကုသနည်း
မရိုးပင်ကို၏ အရွက်နှင့် အကိုင်းတို့ကို ချိုးလိုက်ပါက အစေးဖြူဖြူလေးတွေ ထွက်လာပါမယ်။ ၄င်းအစေးဖြင့် ငါးမျက်စိပေါ်ကို တို့လိမ်းပေးပါ။
တစ်နေ့ကို (၃) ကြိမ်ခန့် တို့ပေးပါ။ (၅) ရက်၊ တစ်ပတ်ဆိုလျှင် ငါးမျက်စိနာ တဖြေးဖြေး ခြောက်သွေ့သွားပြီး ပျောက်ကင်းသွားပါလိမ့်မည်။
လူသားတိုင်း ကိုယ်စိတ်နှစ်ကျန်းမာချမ်းသာကြပါစေ။
ဦးစောနွဲ့နေဆိုင် (ပူတာအို)
ကိုးကား ။ ။ ရိုးရာဆေးမြီးတိုများ
ကျန်းမာရေးသတင်းများ
မူရင်းလင့် = www.facebook.com/pages/ကျန်းမာရေးသတင်းများ/231741783686751

Wednesday 14 January 2015

ကျောက်ကပ်ရောဂါမဖြစ်အောင် ဒီ (၃) ချက်ကိုဆောင်


 ကျောက်ကပ်ရောဂါမဖြစ်အောင် ဒီ (၃) ချက်ကိုဆောင်
------------------------------------------------------------
၁။ ရေကို လုံလောက်စွာ သောက်ပါ
၂။ နွားနို့၊ ဒိန်ချဉ် သောက်ပါ
၃။ ဆား၊ အငံတို့ကို လျှော့စားပါ
၁။ ရေဓါတ်ပြည့်ဝနေလျှင် ခန္ဓာကိုယ်ဟာ ကျန်းမာနေမည်။ ရေကို လုံလောက်စွာ သောက်ပေးပါ။ သင်အများဆုံး နေလေ့ရှိတဲ့နေရာအနားမှာ ရေဗူးကို အမြဲထားပါ။ ရေဆာတိုင်း သောက်ပေး ပါ။ ရေဓါတ်ခန်းခြောက်နေတဲ့ ကိုယ်ဟာ ကျောက်ကပ်ဖြစ်နိုင်ခြေ ၂၀ % ရှိပြီး ရေဓါတ်လုံလောက်နေလျှင် ၆၀% ကာကွယ်ပေးနိုင်ပါတယ်။
၂။ နွားနို့နဲ့ ဒိန်ချဉ်မှာ ပါရှိတဲ့ ကာလ်စီယမ်ဓါတ်ဟာ သွေးဖိအားကို လျှော့ချပေးနိုင်ပြီးကျောက်ကပ်ရောဂါဖြစ် နိုင်ခြေ ၂၀ % အထိကာကွယ်ပေးနိုင်ပါတယ်။ တစ်နေ့ကို နွားနို့်တစ်ခွက်၊ သို့မဟုတ် ဒိန်ချဉ် နှစ်ခွက် သောက်ပေးနိုင်ပါတယ်။
၃။ ဆားနှင့်အငံဓါတ်တို့ဟာ ကယ်လ်စီယမ်ဓါတ်ကို စွန့်ထုတ်မှုပိုများစေပြီး အရိုးသန်မာမှု ကို လျှော့နည်းစေ တဲ့အပြင် ကျောက်ကပ်မှာ ကျောက်တည်ခြင်းဖြစ်စေနိုင်ခြေကိုလည်း ပိုများစေသည့်အတွက် ဆားကို လျှော့စားသင့်ပါတယ်။
 
စောနွဲ့ နေဆိုင်(ပူတာအို)

Tuesday 13 January 2015

ဆေးမကူဘဲ စိတ်ကြည်လင်စေမည့် နည်းလမ်းများ


ဆေးမကူဘဲ စိတ်ကြည်လင်စေမည့် နည်းလမ်းများ
(၁) အားရပါးရရယ်ပါ
- တစ်နာရီခန့် ဟက်ဟက်ပက်ပက် ရယ်ခြင်းသည်     အားကစားနာရီဝက် လုပ်ခြင်းနှင့် ညီမျှစွာကယ်လိုရီများ ကို လောင်ကျွမ်းစေနိုင်သည်။
- သည်းထိတ်ရင်ဖို ရုပ်ရှင်ကြည့်လျှင် လည်း              အဒရီနယ်လင်ဟော်မုန်းထွက် ရှိခြင်းကြောင့် နာရီဝက် လမ်းလျှောက် ထွက် သကဲ့သို့ ကယ်လိုရီလောင် ကျွမ်းစေသည်။

(၂) တိုးတက်မှုအနည်းငယ်မျှပင် ဖြစ်ပါစေဂုဏ်ယူပါ
- အဝတ်အစားဝတ်တဲ့အခါ နည်း နည်းလေးချောင်လာတာ၊ မျက်နှာ အနည်းငယ်သွယ်လာတာ၊ ပေါင်ချိန်လျှင် (၂)ပေါင် ခန့်ကျသွားတာ စသည် ဖြင့် တိုးတက်မှုအနည်း ငယ်သာဖြစ် သော်လည်း ဝမ်းသာအားရဂုဏ်ယူပါ။
-လုပ်စရာအလုပ်များကို စာရင်းချ ရေးထားပြီး အလုပ်တစ်ခုပြီးတိုင်း အားရပါးရ ခြစ်ချပါ။
(၃) အနားယူချိန်များ၌ပါ သွက်သွက် လက်လက်နေပါ
- ရုပ်မြင်သံကြားကြည့်စဉ်ထိုင်နေ ပြီး ကြော်ငြာဝင်လျှင် လမ်းထလျှောက် ပါ။
- အနားယူစာဖတ်ချိန်တွင် ပက်လက် မလှဲဘဲ ထိုင်လျက်ဖတ်ပါ။
- နေရောင်ခြည်မရသည့် နေ့များ၌စိတ်လေးလံထိုင်းမှိုင်းတတ်ရာအလင်းရောင် ကောင်းကောင်းရသည့်နေရာ
များ၌ နေထိုင်ပါ။
(၄) အစားလွန်ခြင်းကို ထိန်းသိမ်းပါ
- စိတ်ဖိစီးလျှင် အစားလွန်တတ် သည်။ ထိုအချိန်သည်အမှန်တကယ်ဗိုက်ဆာခြင်းမဟုတ်သောကြောင့်
 ရေသောက်လျှင်ဆာလောင်မှုပြေ ပျောက်စေသည်။
(၅) နေရောင်ခံပါ
- မိုးအုံ့သည်ဖြစ်စေ၊မိုးရွာသည် ဖြစ်စေခေတ္တမျှအပြင်ဘက်လမ်း လျှောက်ပါ။
 နေရောင်ခြည်စိုးစဉ်မျှထိ တွေ့သည်ဖြစ်ပါစေ၊ လမ်းလျှောက် ခြင်းနှင့်ယှဉ်တွဲပါက စိတ်ကိုလန်း ဆန်းတက်ကြွစေနိုင်သည်။
ဇော်ကို
Source:RD
Health Updates Journal

Thursday 8 January 2015

သင်၏မျက်လုံး အားပြန်ကောင်းပြီး " မျက်မှန်လွတ်တဲ့နည်း "


သင်၏မျက်လုံး အားပြန်ကောင်းပြီး " မျက်မှန်လွတ်တဲ့နည်း "
-------------------------------------------------------------------
ပထမဦးဆုံး အိပ်ရာကနိုးပြီးပြီးချင်း ၊ မျက်နှာကိုအရင်မသစ်ရဘူး ၊ခြေထောက်နှစ်ဖက်လုံး ဒူးအထက် ကနေပြီး ရေ သုံးခွက်စီလောက်လောင်းပေးရမယ်။              ဒါက တစ်ကိုယ်လုံးမှာပြန့်နှံနေတဲ့ အပူခိုးတွေကို
ခြေထောက်ရောက် သွားအောင် ဆွဲချလိုက်တာပါ။
အိပ်ရာကထလာတာနဲ့အပူတွေက တစ်ကိုယ်လုံး မှာပြန့်နှံ့နေတာပါ ၊ဒီအချိန်မှာ အရင်ကထုံးစံအတိုင်း မျက်နှာကိုအရင်သစ်လိုက်မယ်ဆိုရင်ရေနဲ့ ထိပြီးအေး သွားတဲ့ မျက်နှာတစ်ပြင်လုံးကို တစ်ကိုယ်လုံးက အပူတွေအကုန်ပြေးလာကြပါတယ် ၊ ဒါကြောင့်မျက်စိကိုတစ်ကိုယ်လုံးက အပူခိုး ၊အပူငွေ့တွေလာရိုက်တော့တာပေါ့ ။သေချာသိချင်ရင် မျက်နှာသစ်ပြီးတာနဲ့ မှန်ထောင်ကြည့်လိုက်ပါ ၊မျက်လုံးနှစ်လုံးစလုံး " ရဲ " နေတာတွေ့ရလိမ့်မယ်၊ အဲ့ဒီလိုအပူခိုးတွေရိုက်ပါများလာတဲ့အခါ " ဒီမျက်စိကမှုန်ပြီး အားနည်းသွားတာပေါ့ " ။ ဒါကြောင့်အပူခိုးတွေ မျက်စိဆီကိုမသွားဘဲ အောက်ရောက်သွားအောင်ခြေထောက်ကိုအရင်ရေလောင်းရတာပေါ့ ၊ ဒူးကနေရေလောင်းပြီးတဲ့အခါမှာလည်းချက်ချင်းမျက်နှာမသစ်ရသေးဘူး ။ ချိုင်းကြားနှစ်ဖက်မှာ ကပ်ကျန်နေတဲ့ အပူခိုးတွေထွက်သွားအောင် မတ်တတ်ရပ်ပြီး လက်နှစ်ဘက်ကို ခေါင်းပေါ်မြှောက်တင်လိုက်
အောက်ချလိုက် နဲ့ အနည်းဆုံး အကြိမ် ၂၀ လောက်လုပ်ပေးရမယ် ။အဲ့ဒါပြီးတဲ့အခါ တက်နေတဲ့ ဇက်ကြောတွေလျှော့သွားအောင် ခေါင်းကိုနောက်ကျောဘက်ရောက်နိုင်သလောက် လှန်ချရမယ် ၊ ရှေ့ကိုလည်းရသလောက် ငုံ့ရမယ် ။ ဒါကလည်းအကြီမ် ၂၀ လောက်ပေါ့ ၊ ပြီးရင် ခေါင်းကိုဘယ်ညာ အခါ ၂၀ လောက်လှည့်ပေးရမယ် ။ဒီလေ့ကျင့်ခန်း သုံးခု ပြီးတာနဲ့ တစ်ကိုယ်လုံးမှာရှိတဲ့ အပူခိုးတွေခြေထောက်ကတဆင့် ထွက်နေတာ ကုန်သွားပါပြီ ။ သေချာသိချင်ရင်ခြေထောက်ကို စမ်းကြည့်လိုက်ပေါ့ ။" ရေတစ်စက်မှမရှိတော့ဘဲ ခြောက်နေတာတွေ့ရလိမ့်မယ် " ။အဲဒီကျတော့မှ မျက်နှာကို ဆပ်ပြာနဲ့ သေချာသစ်ရမယ် ၊ သွားမတိုက်ရသေးဘူး ။ပါးစပ်ကိုပိတ်ထားရမယ် ။ မျက်နှာသစ်ပြီးတာနဲ့ မျက်နှာသုတ်ပုဝါနဲ့သုတ်ပေတော့ ။ဒီအချိန်မှာ မျက်နှာမှာရှိတဲ့ မွှေးညှင်းပေါက်တွေ အကုန်ပွင့်သွားတာပေါ့ ၊
အဲ့ဒီကျတော့မှ သွားတိုက်ရမယ် ၊ သွားတိုက်ရင်းနဲ့ သွားကြိုသွားကြားမှာရှိတဲ့အခိုးအငွေ့တွေဟာ " မျက်နှာကမွှေးညှင်းပေါက်များမှတဆင့် ထွက်ကုန်မယ်လေ" ။ဒီနည်းကတော့" အပူကြောင့်ဖြစ်တဲ့ သွားကိုက်ရောဂါ " ကို ကြိုတင်ကာကွယ်နည်းပါ ။နောက်ပြီးဖြစ်နိုင်ရင် နေ့ဘက်ကို ဦးစားပေးပြီး စာကြည့်သင့်တယ် ၊ညဘက်ကိုနည်းနည်း ပဲကြည့်စေချင်တယ် ။ွှ ဒီနည်းဖြင့် မျက်စိမှုန်နေသူ များ ပြန် အားကောင်းနိုင်ပါတယ် ။မျက်စိအားကောင်းသော သူများပင်လျှင် ဒီနည်းကို အမြဲတစေပြုလုပ်မည်ဆိုပါက
မျက်မှန်တတ်ရမည့် အဆင့်သို့ မရောက်နိုင်တော့ပါ ။
အရှင်ဇ၀န (မေတ္တာရှင် - ရွှေပြည်သာ )
စာရိတ္တသတ္တိ စာအုပ်မှ မျှဝေပါသည်
မေတ္တာဖြင့် ... မြစိုး
Credit to သက်ရှည်ကျန်းမာ

Monday 5 January 2015

အသည်းနှင့်ကျောက်ကပ်ကို သန့်စင်ပေးတဲ့ သစ်သီးစိမ်ရေ


အသည်းနှင့်ကျောက်ကပ်ကို သန့်စင်ပေးတဲ့ သစ်သီးစိမ်ရေ
------------------------------------------------------------------
အခုတလော နိုင်ငံတကာ ကျန်းမာရေးစာမျက်နှာများမှာ အလွန်ခေတ်စားနေတဲ့ Detox Water အကြောင်းကို မျှဝေပေးချင်ပါတယ်။ Detox Water ဆိုတာ သစ်သီးများကို ရေဖြင့် စိမ်ထားတဲ့ သစ်သီးစိမ်ရေကို ဆိုလိုတာ ဖြစ်ပါတယ်။
သစ်သီးစိမ်ရေကို သောက်ခြင်းအားဖြင့် လူတို့နေ့စဉ် စားသောက်ထားတဲ့ အစားအစာများကို စစ်ထုတ်ပေးနေတဲ့ အသည်းနှင့် ကျောက်ကပ်တို့မှ အဆိပ်အတောက်များကို သန့်စင်ရှင်းလင်းပေးပြီး အသည်းနှင့်ကျောက်ကပ်ကို ရောဂါကင်းစင်စေကာ သန်မာလာစေတယ်လို့ ဆိုပါတယ်။
Detox Water ပြုလုပ်နည်းများထဲမှ နည်းလမ်းအချို့ကို ကိုယ်တိုင်အလွယ်တကူ ပြုလုပ်၍ သောက်သုံးနိုင်ရန် မျှဝေပေးလိုက်ပါတယ်။
(၁) Cucumber Lemon Mint Detox Water
ပုံထဲမှာပါသည့်အတိုင်း ဖန်ခွက်၊ ရေခရား၊ အ၀ကျယ်ပုလင်းပု တစ်ခုခုထဲကို သောက်ရေထည့်ပါ။ ပြီးလျှင် သခွါးသီးကွင်း၊ သံပယိုသီးကွင်းနှင့် ပူစီနံရွက်တို့ကို ရေနှင့်ချိန်ဆ၍ အနေတော်ထည့်ပြီး (၅)နာရီခန့် ရေခဲသေတ္ထာထဲ ထည့်ထားပြီး သောက်ပါ။
(၂) Apple Cinnamon Detox Water
ပန်းသီးစိတ်နှင့် သစ်ဂျပိုးမှုန့် အနည်းငယ်ကို သောက်ရေထဲ ထည့်စိမ်ပြီး သောက်ပါ။
(၃) Apple Cider Vinegar Detox Water
ACV လို့ခေါ်တဲ့ ပန်းသီးအရည်ကို သောက်ရေခွက်ထဲ အနည်းငယ် ထည့်စိမ်၍ သောက်ပါ။ (Apple Cider Vinegar ကို ကုန်တိုက်များမှာ ၀ယ်ယူနိုင်ပါတယ်)
(၄) Strawberry Detox Water
စတော်ဘယ်ရီသီးလေးများကို သောက်ရေထဲ ထည့်စိမ်၍ သောက်ပါ။
(၅) Simple Detox Water
သံပုရာသီး၊ သံပုယိုသီး၊ ရှောက်သီး တစ်မျိုးမျီုးကို သောက်ရေထဲသို့ တစ်စိပ်လောက် ညှစ်ထဲ့၍ သောက်ပါ။
(၆) Weight Loss Detox Water
Grapefruit သီး၊ မန်ကျည်းသီးမှည့်၊ သခွားသီးတို့ကို အနည်းစီ ထည့်စိမ်၍ သောက်ပါ။ ၀ိတ်ကိုလည်း ကျစေပါတယ်။
(၇) Fruits Detox Water
ဒီနည်းကတော့ အကောင်းဆုံးနဲ့ အရသာအရှိဆုံး ဖြစ်ပါတယ်။ သခွါးသီး၊ ပန်းသီး၊ သံပုယိုသီး၊ ဘယ်ရီသီး၊ ပူစီနံရွက် စသည်တို့ကို လတ်လတ်ဆတ်ဆတ် စုံနိုင်သလောက် စုံအောင်ထည့်စိမ်ပြီး သောက်ပါ။
ဒီနည်းတွေကို မိမိနှင့်အဆင်ပြေနိုင်မည့် နည်းတစ်ခုခုကို ရွေးချယ်၍ လုပ်နိုင်ပါသည်။ ရေကို တစ်ခွက်သောက်ပြီးတိုင်း နောက်ထပ်တစ်ခွက် ပြန်ဖြည့်ထားနိုင်ပါသည်။ စိမ်ထားသည့် ရေများကို(၂၄) နာရီအတွင်း ကုန်အောင် သောက်နိုင်လျှင် ပိုကောင်းပါသည်။
ပိုမိုထိရောက်စေလိုလျှင် အလုပ်နားသည့်ရက်မှာ ထမင်းဟင်းများကို လုံးဝမစားပဲ Detox Water ကိုသာ တစ်နေ့လုံး သောက်ပေးပါ။ စိမ်ထားသော အသီးအနှံနှင့် အခြားဖျော်ရည်များကိုလည်း သောက်ပေးနိုင်ပါသည်။
ဝမ်းတွင်းမှ ကလီစာများကို အနားပေးပြီး ဆေးကျောသန့်စင်သည့် သဘောဖြင့် တစ်ပတ်ကို အနည်းဆုံး တစ်ရက်ခန့် ပြုလုပ်ပေးပါက သင်သည် အသည်းနှင့် ကျောက်ကပ်ရောဂါဖြစ်မှာကို လုံးဝပူပန်စရာမလိုသည့် လူသားတစ်ဦး ဖြစ်လာမှာ အမှန်ပါပဲ။
လူတို့၏ ကျန်းမာရေးကို ဒုက္ခပေးနေသော သကြားနှင့်ဂတ်စ်တို့ဖြင့် ထုတ်လုပ်ထားသည့် အချိုရည်အမျိုးမျိုးကို သောက်သုံးမည့်အစား သန့်ရှင်းလတ်ဆတ်သော ကိုယ်တိုင်လုပ် သစ်သီးစိတ်ရည်ကို သောက်သုံးဖြင့် သင့်ကျန်းမာရေးကို ဒီနေ့ကစပြီး ဂရုစိုက်ပေးလိုက်ပါမိတ်ဆွေ။
စောနွဲ့နေဆိုင် (ပူတာအို)
ကျမ်းကိုး ။ ။ Detox Water
ကျန်းမာရေးသတင်းများ
မူရင်းလင့် - www.facebook.com/pages/ကျန်းမာရေးသတင်းများ/231741783686751

Sunday 4 January 2015

ကျန်းမာရေး အတွက် ရုံးပတီသီး စားပါ


ကျန်းမာရေး အတွက် ရုံးပတီသီး စားပါ
ဟင်းချက်ရာတွင် ထည့်ပြီး ချက်လေ့ရှိသော ရုံးပတီသီးဟာ ကျန်းမာရေး အတွက် အကျိုးကျေးဇူးတွေ ရရှိတယ်လို့ သိရပါတယ်။
ရုံးပတီသီး စားလို့ ရရှိနိုင်တဲ့ အကျိုးကျေးဇူး တွေကတော့ ----
- အရိုးကိုသန်မာစေပါတယ်။
- နှလုံးကိုကာကွယ်ပေးပါတယ်။
- အဆစ်အမျက် ရောင်ရမ်းခြင်းကို သက်သာလျော့ပါး စေပါတယ်။
- သွေးပေါင်ချိန်ကို ထိန်းပေးပါတယ်။
- သွေးစီးဆင်းမှုကို ပိုကောင်းစေပါတယ်။
- အရိုးပါးရောဂါ ကာကွယ်ပါတယ်။
- အရိုးကျီးပေါင်း တက်ခြင်းအတွက်လည်း ကောင်းမွန်ပါတယ်။
ကျော်လင်းနိုင် (ရိုးရာလေး)
www.yoyarlay.com

လေးဖက်နာနှင့် အဆစ်မြစ်နာအတွက် သဘာဝဆေးနည်း


လေးဖက်နာနှင့် အဆစ်မြစ်နာအတွက် သဘာဝဆေးနည်း
-----------------------------------------------------------------
လေးဖက်နာ၊ အဆစ်မြစ်နာ၊ အကြောတက်၊ ခြေလက်ကိုက်ခဲ၊ ဇက်ကျောတက်ရောဂါများအတွက် လက်တွေ့ ပျောက်ကင်းစေမည့် သဘာဝဆေးနည်းလေးကို မျှဝေပေးလိုက်ပါတယ်။
၁။ တောရှောက်သီး ခေါ် ရှောက်ခါးသီး (၄) လုံးခန့်ကို အလုံးလိုက်ကို ဆားဖြင့်နယ်၍ ၃ မိနစ်ခန့်ထားပြီးလျှင် ရေဆေးလိုက်ပါ။
၂။ အခွံနဲ့အတူ အကွင်းလိုက် ပါးပါးလှီးပါ။
၃။ နနွင်း (၁၀)သားခန့် ထည့်ပါ။
၎။ ၄င်း(၂)မျိုးကို အတူရောပြီး တောအရက်ဦးရည်နှင့်အတူ ပုလင်းထဲထည့်ကာ အခိုးလုံနေအောင် အဖုံးကို သေချာစွာ ပိတ်ထားပါ။ (ပုလင်းကို ငှက်ပျောဖူး ကဲ့သို့သောပုလင်းဆိုလျှင် ပိုကောင်းပါသည်)
၅။ စိမ်ထားသော ဆေးကို (၅)ရက်ခန့် ထားပြီးလျှင် ၄င်းအရည်ဖြင့် အဆစ်မြစ်နာ၊ အကိုက်အခဲဖြစ်သည့်နေရာများကို စပြီးလိမ်းပေးနိုင်ပါပြီ။ တစ်လခန့်အထိ စိမ်ထားပြီး လိမ်းနိုင်ပါသည်။
ရောဂါဝေဒနာများ သက်သာပျောက်ကင်းနိုင်ကြပါစေ။
ဦးစောနွဲ့ နေဆိုင် (ပူတာအို)
ကိုးကား ။ ။ မြန်မာ့ဆေးကျမ်းများ၊ ရိုးရာဆေးမြီးတိုများ
ကျန်းမာရေးသတင်းများ
မူရင်း = www.facebook.com/pages/ကျန်းမာရေးသတင်းများ/231741783686751

Thursday 1 January 2015

ကင်ဆာရောဂါများကို ကာကွယ်ပေးနိုင်တဲ့ ကျောက်သင်ပုန်းဖျက်ရွက်


ကင်ဆာရောဂါများကို ကာကွယ်ပေးနိုင်တဲ့ ကျောက်သင်ပုန်းဖျက်ရွက်
-------------------------------------------------------------------------------
ယခုပုံမှာ မြင်နေတဲ့ ဒီအပင်ဟာ ကျောက်သင်ပုန်းသုတ်ရွက်ပင် ဖြစ်ပါတယ်။ နတ်သမီးကွမ်းရွက်၊ နတ်သမီးကွမ်းတံတွေးပင်၊ ရေကြည်ပင် စသဖြင့် နေရာဒေသအပေါ်မူတည်ပြီး အခေါ်အဝေါ်များ ကွဲပြားကြပါတယ်။ ဟိုတုန်းကတော့ ကျောက်သင်ပုန်းမှ စာတွေကို ပြန်ဖျက်တဲ့နေရာမှာ အသုံးပြုခဲ့ကြပါတယ်။ အလေ့ကျပေါက်သည့် အပင်မျိုး ဖြစ်ပါတယ်။
ဒီအပင်မှာ ကင်ဆာရောဂါကို တွန်းလှန်ကာကွယ်ပေးနိုင်တဲ့ Antioxidants ပါဝင်တယ်။ ဗီတာမင်စီဓါတ်များတယ်ပြီး ဗီတာမင်အေဓါတ်ကို ဖြည့်စွမ်းပေးတဲ့ Beta-carotene ပါဝင်ပါတယ်။
ဒီအပင်ဟာ ဆေးဖက်ဝင်အပင်ဆိုတာ သိလာကြတဲ့အတွက် ထိုင်းနိုင်ငံမှာတော့ အစိမ်းသုပ်စားခြင်း၊ ပြုတ်၍ သုပ်စားခြင်း၊ တို့စရာအဖြစ် စားသုံးခြင်း၊ ဟင်းရည်ချက်၍ သောက်ခြင်းများကို ပြုလုပ်ကြပါတယ်။
ဖိလစ်ပိုင်နိုင်ငံမှ တိုင်းရင်းဆေးဆရာများကတော့ ဒူလာဆေး၊ အဆစ်မြစ်ရောင် (ဂေါက်ရောဂါ) အတွက် ဒီအပင်ကို သုပ်စားခြင်း၊ ပြုတ်စားခြင်းတို့ကို ပြုလုပ်ကြပါတယ်။
ဆေးအဖြစ် အသုံပြုပုံများ-
(၁) ရင်သားကင်ဆာရောဂါအတွက် အရွက်လက်တစ်ဆုပ်ခန့်ကို သန့်ရှင်းစွာ ဆေးကြောပြီး ထောင်းကာ ရင်သားပေါ်ကို အရည်သုတ်လိမ်းပေးခြင်း၊ အဖတ်ကို အုံပေးခြင်းတို့ဖြင့် ကုသပေးလျှင် သက်သာပျောက်ကင်းစေပါသည်။
(၂) ထိခိုက်ရှနာ၊ ဒဏ်ရာအမျိုးမ်ျိုး၊ အနာစိမ်း၊ ပြည်တည်၊ ၀က်ခြံနာ၊ အရေပြားရောဂါအမျိုးမျိုးတို့အတွက် အရွက်ခပ်သန့်သန့်ကို ကျိတ်၍ အနာပေါ် အုံပေး၊ လိမ်းပေးပါက သက်သာပျောက်ကင်းစေပါသည်။
(၃) ရေရုံရောဂါအတွက် အပင်၊ အရွက်၊ အပွင်စတဲ့ တပင်လုံးကို နနွင်း၊ ဆန်စေ့အနည်းငယ်တို့နှင့်အတူ ရောထောင်း၍ ရေရုံနာပေါ်ကို တစ်ညခန့် အုံပေးပါက သက်သာပျောက်ကင်းစေပါသည်။
(၄) ၀က်ခြံ၊ တင်းတိပ်များအတွက် ပဉ္စငါးပါးလုံးကို ပြုတ်၍ ၄င်းဆေးပြုတ်ရည်ကို မနက်တိုင်း မျက်နှာသစ်ပေးပါက သက်သာပျောက်ကင်းစေပါသည်။
(၅) ဒူလာရောဂါ၊ အဆစ်မြစ်ရောင် ဂေါက်ရောဂါများအတွက် ၄င်းအရွက်ကို ရေစင်အောင်ကြောကာ သုပ်စားခြင်း၊ ပြုတ်စားခြင်း၊ တို့စာခြင်းများ ပြုလုပ်ပေးပါက ရောဂါကို သက်သာပျောက်ကင်းစေပါသည်။
(၆) မျက်စိနာ၊ မျက်စိတိမ်ဖြစ်ခြင်းတို့အတွက် ဒီအရွက်ကို လက်တစ်ဆုပ်ခန့် သန့်သန့်လေးဖြစ်အောင် ဆေးကြောပြီး အရည်ညစ်ယူကာ မျက်စိကို အနည်းငယ်စီ တစ်နေ့ ၂ ကြိမ် ခပ်ပေးပါက မျက်စိနာနဲ့ မျက်စိတိမ်များ ပျောက်ကင်းပါတယ်။
(၇) ကြွက်နို့ပေါက်သူများအတွက် အပင်ကို အရည်ညစ်၍ ကြွက်နို့ပေါ်ကို ၄င်းအရည်ဖြင့် မကြာခဏ တို့ပေးကာ ကြိတ်ဖတ်ကိုလည်း ကြွက်နို့ပေါ်ကို အုံထားပေးပါ။ ကြွက်နို့များ အံ့သြစွာ ပျောက်ကင်းသွားပါလိမ့်မည်။
စောနွဲ့နေဆိုင် (ပူတာအို)
ကိုးကား ။ ။ မြန်မာ့ဆေးမြီးတိုများ၊ ဘီဘီစီ ၀င်းမြင့်
ကျန်းမာရေးသတင်းများ
www.facebook.com/pages/ကျန်းမာရေးသတင်းများ/231741783686751