က တိ

*** ဆရာ တက်တိုး ရဲ့ ဆောင်းပါးကောင်းကလေးတစ်ခုပါ...***
။- - - - - - - - - - - - - - - - - - - - - - - - - - - - - - - ။ " ဆိုခဲစေ၊ မြဲစေ" ဟူသော သတိပေးစကားသည် တိုသလောက် လေးနက်သည် ။ " ကတိ " ဆိုသည်မှာအတည်ပြုသောစကားဖြစ်၏ ။ " စကားတို့၏ အချုပ်သည် ဂတိ၊ တရားတို့၏ အချုပ်သည် သတိ " - ဟုကျည်းကန်ရှင်ကြီး မေတ္တာစာတွင်ဆိုထားသည် ။ ပြောဆို ဆွေးနွေးသော စကားများစွာ တို့ ၏ နောက်ဆုံး နိဂုံး ချုပ်၌ " ကတိ " ဟူသော သဘောတူညီချက်ဖြစ်သည်။ ဆွေးနွေးချက် တို့ သည် ထွေပြား  မြောက်များသော စကားဟူသည့် အဆိုတို့နှင့် စ၍ နောက်ဆုံး၌ အများ သဘောတူညီသည့် အချက်များအတိုင်း ဆောင်ရွက်ကြမည်ဟု ကတိပြုကြသည်။
နိုင်ငံ အချင်းချင်း ဆက်ဆံမှုများ၌ ဖြစ်စေ၊ ဆွေးနွေးညှိနှုင်းမှု များ၌ ဖြစ်စေ သဘောတူညီချက်များဖြင့် နိဂုံး ချုပ်ကြသည်။ ယင်းသို့ သဘောတူညီချက်ရမှသာ ညှိနှုင်းမှု အောင်မြင်သည်။ မအောင်မြင်ခြင်းသည် သဘော တူညီမှု မရနိုင်ဘဲ လိပ်ခဲ တည်းလည်း ဖြစ်နေခြင်းကို ညွှန်းသည်။ သဘောတူညီချက် တို့ သည် ရှေ့လုပ်ငန်းစဉ် အသီးသီးတို့ ချမှတ်၍ ဆောင်ရွက်ကြမည် ဟူသော ကတိ ပြုချက်များ ပင်ဖြစ်သည်။

ကတိ သည် အမှန်စကားကိုညွှန်းသည်။ မှန်ကန်မှုကိုသာ ပြုပါမည်ဟု ဆိုခြင်းသည်ပင် ကတိ ပြုသည်ဟူ၏ ။
စကား အလျဉ်းသင့်သည့် အလျှောက် အင်္ဂလိပ် ဝေါဟာရ နှစ်လုံး၏ အဓိပ္ဖါယ် ဆက်စပ်မှုကို ဖော်ပြပါရစေ ။ ယင်းသို့သော ဆက်စပ်မှုမျိုးသည် စိတ်ဝင်စားဖွယ်ဖြစ်သည်။ အင်္ဂလိပ်စာကိုလေ့လာလိုသော ၀ါသနာရှင် တို့အား သိပြီးလျှင်လည်း ထပ်မံ၍ သိစေရန်၊ မသိသေးလျှင် သိစေရန် စေတနာဖြင့် စကားချပ် တစ်ခု အဖြစ် ဖော်ပြခြင်း ဖြစ်ပါသည်။ " ကတိ " သည် အင်္ဂလိပ် ဝေါဟာရ Promise နှင့် အဓိပ္ဖါယ်တူသည်။ သဘောထားခြင်း မညီညွတ်သေးသည့်အခါ တစ်ဖက်နှင့် တစ်ဖက် မျှတ,သော အပေးအယူ လုပ်ခြင်းဖြင့် သဘောတူညီမှု ရနိုင်ပေသည်။ ယင်းသို့ ပြုသော ဖျန်ဖြေမှုကို အင်္ဂလိပ်လို Compromise ဟုခေါ်သည်။ ယင်းဝေါဟာရကို ပုဒ်လိုင်းခွဲလိုက်ပါမူ Com = "အတူတကွ" " ဆုံဆည်းရာ" + Promise = "က တိ "။ Compromise သည် အရေးယူဆောင်ရွက်ပါမည်ဟူသော ပြောကြားချက် ( ကတိ ) နှစ်ခု ဆုံဆည်းမှုဖြစ် သည်။ အပေး အယူပြု၍ နှစ်ဖက်မျှစေရန် အပြန်အလှန် ဂတိပြုရင်းဖြင့် ပဋိပက္ခ မှု ပြဿနာ တစ်ရပ် ပြေ လည်ခြင်းကို ဆိုလိုသည်။
" မင်း မှာ သ စ္စာ" " လူ မှာ က တိ " ဟု အဆိုရှိသည်။ ကတိနှင့် သစ္စာတို့၌ တူညီသော အဓိပ္ဖါယ် ရှိကြောင်း  ဖော်ညွှန်းသည်။ ကတိပြုသည်ဟု ဆိုရာ၌ အမှန် ဆောင်ရွက်ပါမည်ဟူသော သဘော တူချက် ကို ဖော်ပြပေသည်။ သစ္စာ ဟူသည် အမှန်စကား၊ အမှန်တရား ဟူ၍ ပင် ။ "သမုတိသစ္စာ" သည် အပြင် အမှန်တရားဖြစ်သည်။ "ပရမတ္ထသစ္စာ" သည်အတွင်း အမှန်တရားဖြစ်သည်။ လောကီရေးရာ၌ သမုတိ သစ္စာ ဟူသော အများသဘောတူ လက်ခံ၍ ၊ သစ္စာဟူ၍ ခေါ်ဝေါ်သမုတ်သည့် အမှန်တရား သည် လောက ကို လွှမ်းမိုးသည်။ ထို အမှန်တရားဖြင့်ပင် လူမှုရေးရာ အဖြာဖြာကို ထိန်းသိမ်း စောင့်ရှောက် ပေးပေသည်။ ပရမတ္ထသစ္စာ မှာမူ သင်္ခါရ လောကကို လွန်မြောက်၍ ဖောက်ပြန် ပြောင်းလဲခြင်းမရှိ၊ အမြဲတည်နေသော အမှန်တရားဖြစ်ပေသည်။
" သစ္စာတရားသည် အမြဲတည်နေရမည် " - ဟူသော စကားရပ်၏ အဓိပ္ဖါယ်သည် အမှန်တရား ဟူသော လောက၌ဖြစ်စေ၊ လောကုတ္တရာ၌ပင် အမြဲတည်နေသည်ဟူ၍ ဖြစ်၏ ။ သမုတိသစ္စာ သည် လောကီရေးရာတို့၌ လိုအပ်သောပစ္စည်း ဖြစ်သည်။ လောက၌ အမှားကို အမှန် လွှမ်းရမည်။ သို့မှသာလျှင် ငြိမ်းချမ်းသာယာသော လောက ဖြစ်ပေလိမ့်မည်။ အမှန်ပြုပါမည်၊ ကောင်း စွာဆောင် ရွက်ပါမည်၊ အကျိုးဖြစ်ထွန်းစေရန်ဆောင်ရွက်ပါမည်...ဟူသော အဆိုတို့သည် " က တိ " ပင်ဖြစ်၏။ ယင်းသို့ ၀န်ခံမှုကို ပြုရာ၌ မှန်ကန်သော စေတနာရှိရပေမည်။ စေတနာမမှန်ဘဲ လှည့်ဖျားလိုသော သဘောကို စကားတို့ဖြင့် သိုဝှက်ကာ ကတိကို ပေါ့တန် လွယ်ကူစွာပေးခြင်းသည် ကတိ ဟူသော အမှန်တရားကို ညွှန်းသောစကားကို အလွဲသုံးရာ ကျသည်။ ကတိ ပေးခံရသူတစ်ဦးဖြစ်စေ၊ အများဖြစ်စေ တို့ကို စော်ကားရာ ကျသည်။ ယင်းသို့ ကတိ ကိုလွယ်လွယ်ပေး၍ မိမိ၏ လိုအင်ကို ဖြည့်တင်းသူသည် သူယုတ် ဖြစ်ချေသည်။ လွယ်လွယ်ပေးသော ကတိကို လွယ်လွယ်ပင်မေ့ပစ်လိုက်သော အကျင့်သည် လူများစွာ၌ ရှိ၏။ လူလိမ် လူကောက်တို့၏ အကျင့်ဖြစ်သည်။ ယင်း အကျင့်ရှိသူ၌ သိက္ခာ သမာဓိ မရှိချေ ။ စာရိတ္တ ပျက်ပြား၍ အမြင်အားဖြင့် ကြီးမြင့်စေကာမူ အလွန် အဆင့်နိမ့်သောသူ ဖြစ်သည်။ ကတိ မတည်သူကို ချစ်ခင်လေးစားမှု မပြုကြချေ ။ စကားကြီး စကားကျယ်သုံး၍ ခမ်းခမ်း နားနားပြုသော ကတိ မျိုးကို ယုံရမှာ ခက်လှသည်။

တစ်ဖက်၌ ရှိသော သစ္စာ သမာဓိဖြင့် လေးနက်စွာ စဉ်းစား ဆင်ခြင်ပြီးမှ ပေးသင့်ပေးအပ်သော ကတိကို ဏ္ဍနြေ္ဒ ရရ ပေးသော ပုဂ္ဂိုလ်သည် မိမိပေးလိုက်သော ကတိ ကို တည်စေရန် ကြိုးပမ်းဆောင်ရွက်သည်။ ကတိတည်လျှက်ကတိအတိုင်းဖြစ်မြောက်စေရန်ကြိုးပမ်း ဆောင်ရွက်သူသည်စရဏသူရဲကောင်း  ဖြစ်ပေ
သည်။ ကတိပေးရာ၌ လူလိမ် နှင့် လူဖြောင့် ကွာခြားချက်သည် လူလိမ်က ကတိ ကို လွယ်လွယ်ပေးသည် ။ စကားကြီး စကားကျယ်ပြော၍ မက်လုံးပေးပြီးလျှင် ဖြစ်မြောက်စေ  ရန် ဆောင် ရွက်ပေးပါမည် ဟု နှုတ်ဖျားမှဆွတ်၍ ကတိတစ်ခုမက မြောက်များစွာ ပေးသည် ။

" စကားချပ် " တစ်ခုသွင်းလိုပါသည် ။ အမေရိကန်ပြည်ထောင်စု၏ ပထမ "သမ္မတ ၀ါရှင်တန်" က ရာထူးလက်ခံပွဲ အခန်းအနား၌ သမ္မတ အဖြစ် အမှာစကားပြောရာ...သူ့မိန့်ခွန်းမှာ တစ်မိနစ်ခွဲမျှသာ ကြာလေသည် ။ သူ့မိတ်ဆွေ " ဂျေးလီနို " ကမိန့်ခွန်း ဘာကြောင့် တိုရသနည်းဟု-မေးရာ..၀ါရှင်တန် က..." မုသားစကား မပြောတတ်တဲ့ နိုင်ငံရေးသမားအဖို့မှာ ပြောစရာစကား မရှိလို့..ပေါ့ " - ဟု ပြောလေသည် ။ ထိုဖြစ်ရပ်ကလေး၌ လေးနက်သော အဓိပ္ဖါယ် ပါရှိလေသည်၊ မြန်မာတို့ အနေဖြင့်ဆိုရလျှင် " စကားများရင် မုသားပါတတ်တယ်" .. ဟူ၍ပင် ၀ါရှင်တန်၏ အဆိုအတိုင်း စကားနည်းသော နိုင်ငံရေးသမားဟူ၍ - မှတစ်ပါး အခြားမရှိ - ဟူ၍ ဆိုရမည်သာဖြစ်သည်။ ၀ါရှင်တန်၏ အဆိုကို ပြန်လည် သုံးသပ်ကြည့်လိုက်လျှင် သမ္မတ သစ်၏ ရာထူးလက်ခံပွဲ၌ ပြောသော မိန့်ခွန်းသည် အပိုအလိုတွေ များပြီး ဂတိတွေ မြောက်များစွာ မပေးဘဲ ရိုးသားစွာ ပြောဆိုရမည်ဆိုလျှင် .. စကားတန် ရှည်စရာမလိုပေ ဟူ၍ ကောက်ချက်ချရမည်သာဖြစ်သည် ။

ကတိ ပေးရသည်မှာ ရိုးသားသူအဖို့ မလွယ်ကူပေ ။ **မိမိ၌ စေတနာထက်သန်ခြင်း ရှိစေကာမူ..မိမိမျှော်မှန်းသလောက် အခြေအနေက အခွင့်မပေးလျှင် ကတိကြွေး တင်ရုံမျှသာ ရှိပေမည်** ။ နိုင်ငံရေး အခြေအနေသည်လည်း အခြားသော အခြေ အနေများနည်းတူ အစဉ် ပြောင်းလဲလျှက်ရှိကာ မမျှော်လင့် မခန့်မှန်းနိုင်ခဲ့သော အခြေအနေမျိုး ပေါ်ပေါက်လာပါမူ မိမိပေးထားသော ဂတိအတိုင်း ဆောင်ရွက်မပေးနိုင် ဖြစ်ချေမည် ။ ထိုသို့သော အရင်းခံ အကြောင်းတရားကို ရှေးရှုသော ပုဂ္ဂိုလ်တစ်ဦး အနေဖြင့် ကတိ ကို အရမ်းပေးနိုင်မည် မဟုတ်ပေ ။ ကတိသည် ကျေးဇူး ကဲ့သို့ပင် အကြွေးတင်သည်။ ကတိအကြွေးကို မဆပ်နိုင်လျှင် မိမိ အဖို့ သိက္ခာကျ နိုင်ဖွယ်ရှိသည်။ ပေးမိသော ကတိ ကို အစွမ်းကုန်ဖြစ်မြောက်စေရန် ကြိုးစားရမည်ဖြစ်ရာ မျှော်မှန်းသည်ထက်ပို၍ ခက်ခဲ နက်နဲ နေပါမူ မိမိမှာ စကားအဖတ်တင်ရုံသာ ရှိချေမည်။

နိုင်ငံရေးသမား သည် ရိုးသားမှုအပြည့်ရှိမှသာ ကတိတစ်ခုကို လွယ်လွယ်ဖြင့် မပေးသင့်ပေ။ ** သို့သော် နိုင်ငံရေးသမား အများစုမှာ ကတိတွေ ဝေဆာပါမှ အတိုက်အခံကို အနိုင်ရနိုင်ဖွယ် ရှိသဖြင့် ပေး၍ချည်းသာ နေရသောကြောင့် တကယ်တမ်းတွေးကြည့်လျှင် သနားစရာပင် ။ နိုင်ငံရေးသမား နှင့် နိုင်ငံ ခေါင်းဆောင်တို့သည် ကွဲပြားခြားနား၏ ။ နိုင်ငံ့ ခေါင်းဆောင်သည် ရာထူးကို အလိုမရှိဘဲ နိုင်ငံနှင့် ပြည်သူတို့ ကောင်းစားမှုကိုသာ လိုလားသည့် အလျှောက် ကတိတွေ မဝေဆာဘဲနေမည်သာ ဖြစ်ပေသည်။**

ဆရာ တက်တိုး ။

### စာရေးဆရာ တက်တိုး ၏ -"ဓမ္မ အတွေး ဘ၀ အမြင် စာစုများ" -မှ ဆောင်းပါးကို မူရင်းအတိုင်း ပြန်လည် ဝေငှခြင်းဖြစ်ပါသည် ။ ###
Credit >>တက်တိုး - အတွေးအမြင် - ၁၉၉၆ ခုနှစ်၊ မေ လ ။