အလည်လာရောက်သူအားလုံး ရွှင်လန်းချမ်းမြေ့ပါစေ

Sunday 2 December 2012

အညတရငါ


မေ့ပါ မုန်းပါ
နာကျည်းသွားဦးတော့
ငါဆိုတဲ့သူက
နင့်အတွက်ဆို
အသိစိတ်ပျောက်နေရင်တောင်မှ
သတိတရားနဲ့ နင့်အလိုလိုက်ခဲ့တာပါ
ဝေဒနာဆိုတာ
နင်မုန်းသွားမှ
နင်မေ့သွားမှရယ်

ငါခံစားရတယ်နင်ထင်လား
နင့်လက်ကို ငါတွဲမိကတည်းက
ခံစားနေခဲ့ရတာပါ
အချစ်ဆိုတာ ငါ့အတွက်တော့
မြူလား၊ နှင်းလား၊
ဖမ်းဆုတ်မရခဲ့တာတော့
ဒီဇင်ဘာလမှာ နေရောင်ကျလို့
ကွယ်ပျောက်သွားတဲ့
နှင်းတွေနဲ့တူတယ် . . .
ချစ်သူ နင်ဟာလဲ ဘယ်အချိန်မှာ
ပျောက်ကွယ်မှာလဲ . . .
ငါဆိုတဲ့ အညတရက
ကြောက်ရွံ့ မှုကို အဖော်ပြုလို့
နင့်ကို ချစ်ကြောင်း ကဗျာစပ်နေဦးမယ်. . . . ချစ်သူ

No comments:

Post a Comment